Çin mərkəzli Geely şirkəti tərəfindən ötən gün təqdim edilən EM-i adlı təkrar şarj edilən hibrid sistem, 46.5% ilə dünyanın ən yüksək istilik səmərəliliyinə sahib atmosfer mühərrikindən istifadə edir. Beləliklə, Geely yeni şarj edilə bilən hibrid sistemi ilə BYD-yə dişli rəqib olmağı planlaşdırır. Çinli avtomobil nəhəngləri bu dəfə sənayedə liderlik uğrunda mübarizə aparırlar.
Çində PHEV və ya təkrar şarj edilə bilən hibrid avtomobillərin populyarlığı artır. Bu sahədə aparıcı markalardan biri olan BYD bir neçə ay əvvəl DM 5.0 adlı yeni nəsil sistemini elan etmişdi. Qeyd edək ki, bu sistem 46,06 faiz istilik səmərəliliyi, 2,9 lt/100 km yanacaq sərfiyyatı və 2100 km ümumi məsafə kimi cəlbedici göstəricilərə sahib olmuşdu. İndi isə Geely dünən təqdim etdiyi EM-i adlı hibrid sistemi ilə BYD-ni taxtından endirə bilər. Çünki bu sistemdə 46,5 faiz ilə dünyada ən yüksək istilik səmərəliliyinə sahib olan daxili yanma mühərriki istifadə edilir. Bu sistemdə yanacaq sərfiyyatı 2,67 lt/100, ümumi məsafəsi isə 2390 km olaraq açıqlanıb.
Geely-dən bu sistemi istifadə edən ilk model Starship 7 olacaq və noyabrın 4-də, yəni çox yaxında satışa çıxarılacaq. EM-i, Geely-nin NordThor adlandırdığı güc aqreqatının iki versiyasından biridir. Sözügedən sistem 46,5 faiz istilik səmərəliliyinə malik 1,5 litrlik atmosfer mühərrikindən istifadə edir. Metanol ilə də işləyə bilən bu mühərrik -35 dərəcəyə qədər olan hava şəraitində işləmək qabiliyyətinə malikdir. Habelə, sistemdə atmosfer mühərrikindən əlavə P1 və P3 adlı elektrik mühərrikləri də mövcuddur. P3 elektrik mühərrikinin maksimum gücü 160 kVt-dır. Elektrik ötürücü qurğunun ümumi səmərəliliyi 92,5 faiz təşkil edir ki, bu da BYD-dən 0,5 faiz yüksəkdir. Geely-nin EM-i sistemi də patentləşdirilmiş texnologiyaya malikdir.
