Xiaomi brendinin yeni Civi 3 modeli barədə nəhayət rəsmi məlumatlar verildi. Belə ki, Xiaomi Civi 3 modeli çinli brendin ilk 4K Selfie videosu dəstəkləyən modeli olacaq. Qeyd edək ki, çinli brend yeni modelin kameraları barədə təqdimatdan əvvəl ətraflı məlumat verib. 25 may tarixində təqdim ediləcək Xiaomi Civi 3 modelinin ön kameraları möhtəşəm xüsusiyyətlərə sahib olacaq. Əvvəlki modeldə olduğu kimi 2 ön kamera ilə təchiz edilən modelin kamera xüsusiyyətləri artıq məlum olub.
Bu günə qədər haqqında müxtəlif iddialar irəli sürülən Xiaomi Civi 3 modeli 4K təsvir ölçülü selfie videoları qeydə almaq imkanı verən kamera sensoru ilə təchiz edilib. Çinli bren bildirir ki, ön kameralardan biri 100 dərəcə geniş bucaqlı digəri isə 78 dərəcəli selfie kamerasıdır. Xiaomi brendi selfie kameralarını həmçinin makyaj güzgüsü də adlnadırır. Ümumiyyətlə çinli brend Civi seriyasını əsasən qadınlara əsaslanaraq hazırlayır. Məsələn 2 selfie kamerası ilə onların daha rahat vloq videoları çəkməsinə şərait yaradır. 173.5 qram ağırlığda 7.55 mm nazikliyində və 71.7 mm enində olan smartfon gündəlik istifadə üçün olduqca əlverişlidir. Çinli brend yeni smartfonun dizayn cəhətində də olduqca iddalıdır.
Qeyd etdik ki, Xiaomi Civi 3 modeli 4K təsvir ölçülü selfie videoları çəkməyə imkan verəcək. Smartfonin arxa kamerarı da olduqca iddialıdır. Belə ki, smartfon 50MP IMX800 sensoru ilə təchiz ediləcək. Həmçinin şirkət yeni smartfonuna 30 yeni kamera xüsusiyyəti, effektlər və.s əlavə edəcək. Bundan əlavə yeni smartfonun 6.55 düymlük ekran paneli FHD+ təsvir ölçüsünə və 120 Hz yeniləmə tezliyinə sahib olacaq. Ötən günlərdə isə smartfonun Dimensity 8200 Ultra prosessoru ilə təchiz ediləcəyi məlum olmuşdu. Yeni Xiaomi Civi 3 smarrfonu 25 may tarixində çində təqdim ediləcək.
