Amerikalı kompüter alimi, ixtiraçı, futuroloq, Google şirkətinin mühəndislik rəhbəri Raymond Kurzweil 2029-2030-cu illərdə bəşəriyyətin ölümsüzlüyə qovuşacağını deyib.
Alimin sözlərinə görə, 2030-cu ilə qədər insan orqanizminə yerləşdiriləcək nanorobotlar insanların xəstəliklərdən qurtulmasına kömək edəcək. Kurzweil inanır və tam əmindir ki, insan ömrü hər il bir ildən çox artırıla bilər. Digər bir tərəfdən süni orqanların beyini canlı saxlayaraq həyati aktivliyini qoruyacaq təkmili səviyyəyə çata biləcəyini təxmin edir. O, süni intellektin bu zamana qədər insan zəkasına sahib olacağı fikrini də bu sözlərlə ifadə edir:
“2029-cu il, süni intellektin Türinq testindən keçəcəyini və beləliklə də insan zəka səviyyələrinə çatacağını proqnozlaşdırdığım dəqiq tarixdir. Yaratdığımız süni zəka ilə birləşərək zəkamızı milyardlarla dəfə effektiv çoxaldacağımız üçün texnoloji tutarlılıq üçün tarixi 2045-ci il olaraq təyin etdim.“
Bununla belə, biz Kurzweil tərəfindən təsvir edilən “insanın robotlaşdırıldığı gələcəkdən” hələ çox uzaq olduğumuz düşünülür. Süni intellekt qarşılıqlı əlaqəsi əsasən, köhnə üsulla baş verir. Raymond Kurzweil əvvəllər 150-yə yaxın proqnoz vermişdi ki, bunun da 85%-lik hissəsi artıq real olub. Onların əksəriyyəti kompüterlər və süni intellekt haqqındadır. Məsələn, o, 2000-ci illərdə virtual reallıq eynəklərinin və ağıllı saatların meydana çıxacağını da proqnozlaşdırmışdı. Bundan başqa 1990-cı ildə kompüterin 2000-ci ilə qədər dünya şahmat çempionlarını məğlub edəcəyini, portativ kompüterlərin və smartfonların yüksəlişini, daha çox simsiz texnologiyaya keçidi də proqnozlaşdıran alimin bu sahədə təcrübəli olduğu aydın məsələdir. Raymond Kurzweil-in proqnozları arasında reallaşmayan hadisələrdən biri avtomobillərlə bağlıdır. Belə ki, alim 2009-cu ildə öz-özünə hərəkət edən avtomobillərin mövcud olduğunu bildirmişdi.
