Beləliklə ötən ilin 30 noyabr tarixində istifadəyə verilən süni intellekt çatbotu ChatGPT indi 1 yaşını tamamlayıb. Son 1 il ərzndə süni intellekt alətləri, xüsusilə ChatGPT texnologiya dünyasında mühüm dəyişikliklərə səbəb oldu. Belə ki, OpenAI ChatGPT botunu istifadəyə verdikdən sonra tədricən yeni çatbotlar və süni intellekt alətləri yaranmağa başladı. Bir çox texnologiya nəhəngi süni intellekt alətlərinə olan marağı görüb süni intellekt texnologiyalarına fokuslandı.
Ümumiyyətlə kompüter texnologiyası 1960-cı illərdən bəri mövcuddur. Lakin 1 yaşını yenicə tamamlayan ChatGPT kompüter texnologiyasını bambaşqa səviyyəyə çatdırdı. O, böyük dil modellərini ilk dəfə olaraq geniş auditoriyalara çatdırdı. ChatGPT ilə insanlar şeir yaza, bütün suallarına cavab tapa, təqdimat hazırlaya və CV düzəldə bilər. Yəni insanlar gündəlik olaraq həyatlarında lazım olan bütün sənədləri və ya bütün sualları süni intellekt çatbotu vasitəsi ilə düzəldə və cavablandıra bilirlər.
Ötən 365 gün ərzində süni intellekt alətlərinə qarşı çıxan, onu tənqid edən kütlədə ortaya çıxdı. Lakin OpenAI süni intellekt əsaslı söhbət botunu təkmilləşdirməyə davam etdi. Belə ki, ilk öncə GPT-3 daha sonra GPT-3.5 və yekunda GPT-4 dil modeli istifadəyə verildi. Hazırda isə OpenAI GPT-5 üzərində dayanmadan işləyir. Ötən 1 il ərzində süni intellekt alətlərinə və çatbotlarına artan maraq dünyada ekran kartı probleminə də yol açmışdı. NVIDIA tələbi qarşılamaqda çətinlik çəkirdi.
