Xiaomi smartfonlarından da əvvəl təqdim edilən MIUI interfeysinin aylıq aktiv istifadəçi sayı artıq 600 milyonu ötüb. Beləliklə Xiaomi brendin dünyanın ən sürətlə böyüyən smartfon şirkətlərindən biri olub. MIUI interfeysi əvvəllər bir çox zəifliklərə və problemlərə sahib olsa da, Xiaomi gün keçdikcə öz sistemini təkmilləşdirirdi. Məhz bu səbəbdən də MIUI interfeysi artıq düynaın ən məşhur sistemlərindən birinə çevrilib. Bir çox fərdiləşmə imkanları təklif edən və smartfonların performansını azaltmayan sistemin özünəməxsus interfeysi mövcuddur. Qeyd edək ki, Xiaomi MIUI istifadəçilərinin sayı yalnız 1 il 6 ay ərzində 100 milyon artıb.
Artıq MIUI bazarda mövcud olan ən məşhur Android sistemlərindən biridir. 180-dən çox ölkə və regionda fəaliyyət göstərən Xiaomi MIUI interfeysi yalnız təqdim edildikdən 5 il sonra 2015-ci ildə 100 milyon aktiv istifadəçi sayına çatmağı bacarmışdı. Maraqlıdır ki, məhz o gündən sonra Xiaomi brendinin MIUI interfeysi çox tez böyüdü və milyonlarla istifadəçiyə sahib oldu. Hətta 2018-ci ildə 200 milyon aktiv istifadəçi sayına çatan MIUI interfeysi yalnız 1 il sonra 300 milyon istifadəçi sayına malik olmuşdu. 2020-ci ildən sonra isə Xiaomi öz istifadəçilərinin sayını 2 dəfə artırdı.
Hal-hazırda Xiaomi MIUI aylıq 600 milyondan çox aktiv istifadəçi sayı ilə ən çox istifadə olunan smartfon sistemləri arasındadır. Qeyd edək ki, MIUI interfeysi bir çox yenilənmələrə məruz qalmışdı. Onlardan ən sonuncusu məhz MIUI 14 yenilənməsidir. Ümumiyyətlə insayderlər MIUI interfeysinin iOS interfeysinə çox bənzədir. Hətta bu oxşarlıq məhz sonuncu proqram yenilənməsində özünü göstərir. Belə ki, artıq proqramın interfeysindəki idarəetmə mərkəzi, parlaqlıq və səs parametrləri məhz iOS-dakı idarəetmə mərkəzinə çox oxşayır. Lakin buna baxmayaraq MIUI özünəməxsus dizayna və xüsusiyyətlərə də malikdir.
