Microsoft bu dəfə Windows 11 istifadəçiləri üçün illərdir Windows 10 sistemində mövcud olan hot patch texnologiyasını sınayır. Belə ki, bu texnologiya vasitəsi ilə artıq Windows 11 sistemində də yenilənmə əldə etdikdən sonra cihazı yenidən başlatmağa ehtiyac yaranmayacaq. Ümumiyyətlə, Windows 11 sistemində yenilənmələr istifadəçilər üçün böyük bir vaxt itkisinə yol açırdı. İstifadəçilər müəyyən müddət ərzində sistemin yenilənmələri əldə etməsi üçün mavi ekran arxasında oturmaq məcburiyyətində qalırdı. İndi isə yeni texnologiya sayəsində bu məcburiyyət aradan qalxacaq.
Qeyd edək ki, Windows 11 sistemində yenilənmə əldə edərkən cihazı yenidən başlatmaq lazım gəlirdi. Əslində bu heç də Microsoft şirkətinin günahı deyil. Lakin buna baxmayaraq Microsoft istifadəçilərə daha asan üsul təklif edir. Beləliklə Microsoft Windows 11 sistemində yenilənməni cihazı söndürüb-yandırmaq ehtiyacı olmadan tətbiq edə biləcək. Windows Latest-in xəbərinə görə, Microsoft “hot patch” olaraq bilinən bu texnologiyanı əməliyyat sistemindən artıq sınaqdan keçirir. Mənbələrə görə, bu xüsusiyyət x86 və x64 cihazlarına 2024-cü ilin ortalarında, Arm cihazlarına isə 2025-ci ildə gələcək.
Hotpatching istifadəçilər üçün yeni imkan təklif etsə də, bu o demək deyil ki, artıq yeniləmə zamanı cihazı yenidən başlatmaq tamamilə aradan qaldırılacaq. Belə ki, yeni texnologiya ilə belə əməliyyat sistemi zaman-zaman yenilənmənin həcmindən və növündən asılı olaraq cihazın yenidən başladılmasını tələb edə bilər. Bu isə sadəcə ayda bir neçə dəfə baş verə biləcək bir şeydir. Görünən odur ki, Microsoft hələ də Windows 11 sistemindən ümidini kəsməyib.
