Wi-Fi 7 simsiz bağlantının növbəti nəsli olsa da, tam dəstək almaq üçün ən son Windows 10 əməliyyat sistemindən imtina etməli olacaqsınız. Qeyd edək ki, Wi-Fi 7 texnologiyası daha sürətli və daha güclü siqnallarla təchiz edilmiş internet təmin edir. Sələfindən təqribi 2 dəfə daha sürətli yükləmə və endirmə sürəti verməsindən əlavə, “ping” dediyimiz gecikmə müddətini də situasiyadan aslı olaraq 2 dəfədən çox azalda bilir. Məsələn, bu ilin əvvəlində Wi-Fi 6 və Wi-Fi 7 texnologiyalarını müqayisə edən testi xəbərimizdən izləyə bilərsiniz.
Windows 11 əməliyyat sistemi Windows 10 ilə müqayisədə daha bir böyük üstünlüyə malik ola bilər. Lakin şirkətin Windows 10 əməliyyat sistemini sıradan çıxarmaq istəməsi danılmaz faktordur. Məlumatlar göstərir ki, Wi-Fi 7 standartı yalnız daha yeni Microsoft əməliyyat sistemi tərəfindən dəstəklənəcək.
Ən azından Intel sənədləri belə deyir. Yuxarıda qeyd edildiyi kimi, yalnız Windows 11 və Linux/Chrome ƏS-nin ən son yenilənmiş versiyaları qeyd olunur. Bu o deməkdir ki, Windows 10 ilə işləyən istifadəçilər əməliyyat sistemini yüksəltməsələr, Wi-Fi 7-dən istifadə edə bilməyəcəklər. Yəni, Windows 10 ilə işləyən istifadəçilərin əksəriyyəti ən son simsiz qoşulma funksiyalarından məhrum olacaq. Bir çox yeni nəsil noutbuk bu standartı qarşılayan adapterlərlə təchiz olunub. Lakin Windows 11 əməliyyat sistemindən yan keçən istifadəçilər kompüterlərinin imkanlarından maksimum yararlana bilməyəcəklər.
Intel, Windows 11-i ən son platformalarında satışa çıxarmaq üçün Microsoft ilə əməkdaşlıq edəcək, lakin tamamilə yeni platformaya keçmək Microsoft tərəfindən heç də asanlaşdırılmayan çətin bir işdir. Şirkətlərin istəyi diqqəti daha yeni platformalara yönəltmək olsa da, istifadəçilərin böyük əksəriyyətinin kənarda qalması hələ də yaxşı hal deyil. Azərbaycanda isə Wi-Fi 7 standartı barəsində danışmaq hələ çox tezdir.
