Hazırda bir çox smartfon batareya tərəfində ən yaxşı halda bir gün şarjsız istifadə oluna bilir. Lakin alimlər bu vəziyyəti dəyişmək üçün işə qoyulub. Belə ki, Cambridge Universitetinin alimləri smartfonlar üçün 1 ay şarjsız istifadə imkanı yaradacaq yeni mikroçip üzərində çalışırlar. Araşdırmaya görə, yeni mikroçipli smartfonu ildə cəmi 12 dəfə enerji ilə doldurmaqla istifadə etmək mümkün olacaq. Ümumiyyətlə bu gün smartfonlar hər keçən gün daha güclü çipsetlərə sahib olur. Məhz bu çipsetlərin batareya istifadəsini artırır. Texnologiya nəhəngləri isə batareya və performans arasındakı balansı qorumağa çalışır.
Cambridge Universitetinin alimləri əgər xəyal etdikləri kimi bir mikroçip hazırlaya bilərsə, texnologiya nəhənglərinin işi asanlaşacaq. Belə ki, smartfonlar artıq bu mikroçip vasitəsi ilə 1 ay şarsız istifadə ediləcək. Qeyd edək ki, alimlər işlərini kommersiya şirkəti ilə həyata keçirirlər. Bu araşdırmaya görə, sıfır enerji tələb edən silikon çip prosessoru enerji istehlakını azaldacaq və smartfonların istifadə müddətini əhəmiyyətli dərəcədə uzadacaq.
Layihəni idarə edən SiliconCatalyst.UK-un direktoru Sean Redmond bildirir ki, “Əgər onlar həqiqətən bu inanılmaz iddianı yerinə yetirə bilsələr, bu o deməkdir ki, sizin bir gün deyil, bir ay şarjsız işləyəcək mobil telefonunuz olacaq”. Onun sözlərinə görə, hazırda dünyada onların xəyalını yarımkeçiricilərlə etmək mümkündür. Lakin bunu çipsetlər ilə reallışdırmaq ilk olacaq.
