Google-un yeni nəsil qatlana bilən telefonu Pixel 10 Pro Fold daha incə və daha dayanıqlı çərçivə ilə gələcək. Qeyd edək ki, yeni qatlana bilən smartfon dizayn baxımından sələfinə bənzəyəcək.
Ümumiyyətlə, Android Headlines-a görə, Pixel 10 Pro Fold bu il daha incə menteşə mexanizminə sahib olacaq. Beləliklə, Samsung Galaxy Fold 7 kimi nazik gövdəyə sahib olacaq rəqibləri ilə daha yaxşı rəqabət apara biləcək.Kiçildilmiş menteşə sayəsində telefonun ölçüsünü artırmadan xarici ekranın 6,3 düymdən 6,4 düymədək artırılacağı da bildirilir. Pixel 10 Pro Fold eyni zamanda IP68 reytinqi ilə bu səviyyədə suya və toza davamlılığı təklif edən ilk qatlana bilən telefon olacaq.
Bildiyimiz kimi, daimi qatlanan telefonlar adətən toz müqavimətini qurban verir və yalnız IPX8 kimi suya davamlılıq reytinqləri təklif edir. Samsung-un yaxınlaşan Galaxy Z Fold 7-nin IP48 səviyyəsində müqavimət göstərəcəyi gözlənilir. Bilməyənlər üçün qeyd edək ki, IP68-də “6” toz keçirməyən korpusa, “8” isə 30 dəqiqə ərzində bir metr dərinliyə qədər suya batmağa tab gətirmək qabiliyyətini ifadə edir. Həmçinin, yeni Pixel 10 Pro Fold-un Pixel 10 seriyasının qalan hissəsi ilə birlikdə avqustun 20-də təqdim ediləcəyi gözlənilir.
