Bildiyimiz kimi, hər il ölkəmizdə də keçirilən Formula 1 yarışlarında sürət ən önəmli faktor hesab olunur. Belə ki, yarış avtomobillərinin sürətləri o qədər çox olur ki, bəzən kameralar ilə onları təqib etmək də çətin olur. Məhz bu səbəbdən Formula 1 yarışları üçün dünyanın ən sürətli kameralı dronu hazırlanıb. Qeyd edək ki, Formula 1 avtomobilləri ilə eyni sürətlə uça bilən bu dronun sürəti yarışlarda 350 km/saat sürətinə belə çata bilir. Beləliklə, Formula 1 yarışlarını izləmək tamamilə fərqli həzzə sahib olacaq.
Böyük Britaniyada Silverstoun yarış dairəsini Formula 1 avtomobilləri ilə eyni sürətdə qətt edə bilən kameralı dron hazırlanıb. Dutch Drone Gods-dan bir qrup tərtibatçı, xüsusi ən müasir dron hazırlamaq üçün Red Bull-un Advanced Technologies şöbəsi ilə əl-ələ verib. Komada, yarış avtomobillərini videoya qeyd edə bilmək üçün ən az onlar qədər sürətli bir dron hazırlamağı məqsəd qoymuşdu. Beləliklə onlar ən müasir texnologiya məhsulunu, yüngül aerodinamik ləvazimatlardan istifadə edərək ərsəyə gətirdi. Qeyd edək ki, bütün proses yəni dronun hazırlanması təxminən 1 il ərzində meydana gəldi.
Ralp Hogenbirk-in rəhbərlik etdiyi komanda onlara verilən bu tapşırığı layiqincə yerinə gətirib. Bir çox çətin maneələri dəf edən komanda, dönmə sürəti, sürətlənmə və yavaşlama tərəfdən bir F1 avtomobili ilə yarışa biləcək drone hazırlamaq üçün əllərindən gələnin ən yaxşını etdilər. Dron 5.8 kilometrlik bir zolaq ətrafında alovlanmadan uça bilməli idi. Eyni zamanda dronu belə yüksək sürətdə idarə edə bilmək də lazım gəlirdi. Əvvəlcə komanda çəkidən daha çox aerodinamikaya üstünlük verdi. Onlar düşünürdülər ki, aerodinamik səmərəliliyi maksimuma çatdırmaqla dronun batareya ömrünü xeyli artıra bilərlər.
Onlar həmçinin dözümlülüyü mütləq maksimum sürətdən üstün tutaraq hesablanmış riskə getdilər. Bu məqsədlə onlar pərvanələr, batareyalar və mühərriklər də daxil olmaqla, hər bir hissəni tam gücündən bir qədər az işləməsini təmin etdilər. Nəticədə isə komanda dronun səmərəliliyini təmin edə bildi. Ümumiyətlə dronun hazırlanması zamanı həm yüngül, həm də dayanıqlı çərçivə yaratmaq üçün onlar xüsusi karbon materialından və 3D çapdan istifadə etdilər. Performans baxımından böyük dəyərlərə sahib olan pilotsuz uçuş aparatı maksimum 350 km/saat sürətə çata bilir. O, 100 km/saatdan 300 km/saata cəmi 2 saniyəyə sürətlənə bilir. Həmçinin karbon, şüşə lif və 3D polimer kompozit gövdəyə sahib olan pilotsuz uçuş aparatı bu dəyərlərə çatarkən orta hesabla 2-3G, maksimum 6G qüvvəsinə tab gətirə bilir.
