Ötən aylarda Apple yeni iPhone 14 seriyasını təqdim etmişdi. iPhone 14 seriyasının təqdimatından sonra isə iPhone 15 seriyası barədə bir neçə iddialar irəli sürülmüşdü. Məşhur Apple analitiki Ming-Chi Kuo bu gün iPhone 15 Pro modeli barəsində yeni iddialar paylaşıb.
Belə ki o, iPhone 15 Pro modelindəki səs və güc düymələrinin dizaynının dəyişəcəyini iddia edib. Yeni modeldəki düymələrin iPhone 7 modelindəki ev düyməsinə bənzər sensorlu düymə dizaynına malik olacağı açıqlanıb. Lakin Apple bu düymələrin əvvəlki kimi hiss etdirməsi üçün sol və sağ tərəflərdə quraşdırılmış vibrasiya mühərrikləri (taptic engines) ilə təchiz oluncaq. Bu dəyişiklik o deməkdir ki, yeni iPhone modellərində vibrasiya mühərriklərinin sayı 3-ə çıxacaq. Fiziki düymələrin aradan qaldırılması smartfonların suya davamlılıq xüsusiyyətini də artıracaq. Digər tərəfdən isə fiziki düymələr standart iPhone 15 və iPhone 15 Plus modellərində mövcud olmağa davam edəcək.
Planlaşdırılan dizayn dəyişikliyi tədarükçülərə də müsbət təsir göstərəcək. Belə ki, Apple hazırda Vibrasiya mühərrikini Lexon Precision və Rexon Technologies şirkətlərindən təmin edir. Buna görə də, vibrasiya mühərrikinin sayını birdən üçə artırmaq bu şirkətlərə fayda verəcəkdir.
Bir neçə il əvvəl şirkətin Apple Watch modelini sensor düymə ilə təchiz edəcəyi ilə bağlı iddialar yayılmışdı. İddia olunurdu ki, sensor düymələri Apple watch modelinin suya davamlılıq qabiliyyətini artıracaq. Həmçinin bu sensorların daha az yer tutacağı da iddia olunurdu. iPhone modelləri üçün isə sensor düymələrin olması daha çox yer tutacaq. Çünki, bu düymələr 2 vibrasiya mühərriki ilə təchiz olunacaq. iPhone 15 modellərində görəcəyimiz daha bir yenilik isə Type-C portunun olmasıdır. Bu barədə də bir neçə gün əvvəl məlumat vermişdik.
