Süni intellektin yüksəlişi təkcə texnoloji transformasiyaları deyil, həm də qlobal enerji istehlakı balanslarını dəyişir. Joule jurnalında dərc olunan yeni təhlilə əsasən, süni intellekt tətbiqləri artıq dünya üzrə məlumat mərkəzlərinin enerji istehlakının 20 faizini təşkil edir.
Maraqlısı budur ki, bu payın ilin sonuna qədər iki dəfə arta biləcəyi təxmin edilir, süni intellekt məlumat mərkəzləri tərəfindən istehlak edilən bütün elektrik enerjisinin demək olar ki, yarısını sərf edir. Digiconomist ətraf mühitə təsir tədqiqat təşkilatının təsisçisi Aleks de Vries-Qao tərəfindən diqqətəlayiq təhlil yazılıb. Tədqiqata görə, qlobal miqyasda süni intellekt tətbiqlərinin enerji tələbatı bu ilin sonuna qədər Bitcoin mədənçiliyini ötəcək. Vries-Qao bildirir ki, “Bitcoin mədənçilərinin bugünkü yerə çatmaq üçün xərclədikləri pul, Google, Microsoft və bütün bu böyük texnoloji şirkətlərin [AI-ya] sərmayə qoyduqları pulla müqayisədə okeanda bir damladır. Süni intellekt daha sürətlə böyüyür və daha böyük təhlükə yaradır”.
Süni intellektin bu enerji tutumlu işi texnologiya nəhənglərinin iqlim məqsədlərinə birbaşa təhlükə yaradır. Google-un 2024-cü il Davamlılıq Hesabatına görə, şirkətin istixana qazı emissiyaları 2019-cu ildən bəri -48 faiz artıb.Hesabatda bu artımda süni intellektin həlledici rol oynadığı açıq şəkildə qeyd olunub. Süni intellektin bu enerji tutumlu işi texnologiya nəhənglərinin iqlim məqsədlərinə birbaşa təhlükə yaradır. Google-un 2024-cü il Davamlılıq Hesabatına görə, şirkətin istixana qazı emissiyaları 2019-cu ildən bəri 48 faiz artıb.Hesabatda bu artımda süni intellektin həlledici rol oynadığı açıq şəkildə qeyd olunub. Süni intellektlə dəstəklənən xidmətlərin geniş istifadəsi ilə bu sürətin 2030-cu ilə qədər 900 TWh-ı keçəcəyi gözlənilir. Digər tərəfdən, məlumat mərkəzlərində istehlak edilən enerjinin nə qədərinin birbaşa süni intellektə aid olduğu hələ də bəlli deyil. Çünki məlumat mərkəzləri təkcə AI üçün deyil, həmçinin bulud xidmətləri və veb infrastrukturları kimi bir çox xidmətlərə ev sahibliyi edir. Bundan əlavə, texnoloji şirkətlər öz proqram və aparatlarının enerji istehlakı məlumatlarını ictimaiyyətlə paylaşmaqdan böyük ölçüdə çəkinirlər. Ona görə də süni intellekti gizli enerji canavarı adlandırmaq səhv olmaz.
