Son dövrlərdə qlobal elektrik enerjisini istehsalında bərpa olunan mənbələrin payı rekord səviyyəyə 33%-ə çatıb. Belə ki, bərpa olunan enerji mənbəlri arasında külək və günəş enerjisi xüsusilə sürətli artıma sahib olub. Alimlər ənənəvi qalıq yanacaqların elektrik sahəsindəki dominantlığının 10 il ərzində yox olacağını düşünür.
Ember mənbəsinin son məlumatına görə, 2023-cü il bərpa olunan enerji üçün əsas ildir. 2023-cü ildə Günəş enerjisi istehsalı 23 faiz, Külək enerjisi isə 10 faiz artıb. Eyni dövrdə kömür və qaz kimi qalıq yanacaqlardan elektrik enerjisi istehsalı cəmi 0,8 faiz artıb. Bərpa olunan enerjinin bu artım tempi indiyə qədər heç vaxt görülməyib. Qeyd etmək lazımdır ki, 2000-ci ildə bərpa olunan mənbələr qlobal elektrik enerjisi istehsalının yalnız 19 faizini təşkil edirdi, lakin son iyirmi ildə bu nisbət əhəmiyyətli dərəcədə dəyişmişdir. Tədqiqatçılar yaxın 10 il ərzində dünyanın qalıq yanacaqların dominantlığının sona çatacağı yeni dövrə qədəm qoyacağını proqnozlaşdırırlar.
Əslində, bərpa olunan enerjinin sürətli artımının səbəbləri aydındır. Birincisi, günəş panelləri və külək turbinlərinin qiyməti azalır. İkincisi, getdikcə daha çox ölkə yaşıl enerjinin inkişafını təşviq etmək üçün ciddi ekoloji qaydalar tətbiq edir. Nəhayət, enerji keçidini sürətləndirmək üçün hökumətlərə və şirkətlərə artan ictimai təzyiq var. Bununla belə, bərpa olunan enerji mənbələrinin ümumi dominantlığından danışmaq hələ tezdir. Qlobal hidroenergetika istehsalı 2023-cü ildə beş ilin ən aşağı səviyyəsinə düşüb, azalma qismən kömür və qaz hesabına kompensasiya edilib.
