Ozon dəliyi hələ də dünyanın ən böyük problemi olaraq qalır. Belə ki, artıq ozon dəliyi Braziliyadan 3 dəfə böyükdür və getdikcə də böyüməyə davam edir. Maraqlısı budur ki, bu qeyd alınmış ən böyük ozon dəliklərində biri olsa da, hələ də həyəcan üçün əsas hesab olunumur. Belə ki, bu ozon dəliyinin ölçüsünün artıb-azalması antarktida ətrafındakı dəniz buzu ilə bağlıdır. Hər il dəniz buzu böyükdükcə ozon dəliyinin ölçüsü də, artır, kiçildikcə isə azalır. Hazırda isə Antarktida üzərindəki ozon dəliyi həddindən artıq böyükdür.
Avropa Kosmik Agentliyinin (ESA) Copernicus Sentinel-5P peykindən aparılan müşahidələr göstərir ki, ozon dəliyi 16 sentyabr 2023-cü ildə təqribən 26 milyon kvadrat kilometr ölçüyə çatmışdır. Bu nəticələr dəliyi indiyə qədər müşahidə edilən ən böyük mövsümi dəliklərdən birinə çevirir. Xatırladaq ki, ən böyük ozon dəliyi 2000-ci ildə 28.4 milyon kvadrat kilometr ölçüyə çatmışdı. Lakin yeni qeydə alınan ozon dəliyi də Braziliyadan 3 dəfə böyükdür və 1-ci olmaq yolunda irəliləyir. Ümumiyyətlə Ozon təbəqəsi bizi günəşdən gələn ultrabənövşəyi və ya UV şüalarından qoruyur. Qeyd edək ki, bu təbəqə stratosferdə yerləşir.
İlk dəfə isə 1985-ci ildə Antarktida üzərində ozon təbəqəsində bir dəlik aşkar edildi və sonralar insanların karbon əsaslı maddələrdən istifadə etməsi ilə əlaqələndirildi. Həmin dövrdən bəri isə bu maddələrin istifadəsi qadağan edilib və dəliyin ölçüsünə ciddi nəzarət edilib. Bununla belə, ozon dəliyi stratosferdəki temperatur dəyişiklikləri və külək şəraiti səbəbindən mövsümi olaraq böyüməyə və kiçilməyə davam edir.
