İnsanlar gün keçdikcə öz sərhədlərini daha da irəliyə daşıyır. Belə ki, bu dəfə insanlar tərəfindən hazırlanmış ən sürətli obyekt Parker kosmik gəmisi öz sürət rekordunu qırıb. Qeyd edək ki, NASA-nın birbaşa Günəşə göndərdiyi kosmik gəmi özünün yüksək sürət rekordunu qıraraq tarixi uğur əldə edib. Maraqlısı budur ki, kosmik gəmi də bu günə qədər Günəşə ən yaxın məsafə rekordunu da yeniləyib. Yəni Parker kosmik gəmisindən başqa günəşə heçbir obyekt bu qədər yaxınlaşa bilməyib. Əslində kosmik gəminin hazırlanması məqsədi də məhz günəşin quruluşunun öyrənilməsi üçün mümkün qədər yaxın məsafəyə uçmasıdır.
Ümumiyyətlə ABŞ Milli Aeronavtika və Kosmik Tədqiqatlar İdarəsi (NASA) 2018-ci ildə Günəşə birbaşa kosmik gəmi göndərib. “Parker Space Probe” (PSP) adlanan bu kosmik gəmi Günəşin quruluşunu anlamaq məqsədi daşıyırdı. Həm Günəşə ən yaxın obyekt, həm də indiyə qədər ən sürətli cisim olan insanların istehsal etdiyi Parker kosmik gəmisi indi öz sürət rekordunu qırıb. Qeyd edək ki, NASA bu kosmik gəminin 635 min 266 km/saat sürətə çatdığını açıqladı. PSP-nin keçmişdə gördüyü ən yüksək sürət 586 min 863 km/saat olaraq qeyd edilmişdi.
Gəlin bu sürəti yəni, 635 min 266 km/saat-ı sizlər üçün ifadə edək. Əgər təyyarə belə bir sürətə çatsa və planetimizi dövrə vurmağa başlasa, 1 saat ərzində 15 tam dövrə baş atacaq. Yəni bu sürət hazırda Parker kosmik gəmisindən başqa heçbir obyektdə mövcud deyil. Qeyd etdik ki, Parker həmçinin günəşə indiyə qədər olan ən yaxın məsafəyə də çata bilib. Belə ki, NASA-nın açıqlamasına görə, kosmik gəmi Günəşə 7,26 milyon kilometr qədər yaxınlaşıb. Kosmik gəmi Venera ətrafında dövrə vurub geri dönərkən Merkurinin arxasından keçərək Günəşə mümkün qədər yaxınlaşmağı bacarıb.
