Star Catcher adlı startap, peyklərə enerji vermək üçün dünyanın ilk kosmik əsaslı enerji şəbəkəsini qurmağı planlaşdırdığını açıqlayıb. Belə ki, şirkət peyklərdən birincisini gələn il orbitə göndərməyi planlaşdırır. Floridada yerləşən Star Catcher startapı dünyanın ilk kosmik günəş enerjisi stansiyası peyklərə enerji verərək bir ilkə imza atacaq.
Qeyd edək ki, Star Catcher Network aşağı yer orbitində peyklərə etibarlı və bol enerji mənbəyi təmin etməklə kosmik əməliyyatları inkişaf etdirməyi hədəfləyir. Bu ideyanın reallaşması üçün 12.25 milyon dollar vəsait toplayan şirkət gələn il peyklərdən birincisini orbitə göndərməyi planlaşdırır. Ümumiyyətlə, kosmosdan Yerə enerji şüalanması ideyası son vaxtlar populyarlıq qazanıb. Məsələn, Kaliforniya Texnologiya İnstitutu (Caltech) kosmosa əsaslanan günəş enerjisi ilə bağlı araşdırmalar aparır və onun Yerə enerji ötürə biləcəyini nümayiş etdirib. Bundan başqa, İngiltərə mərkəzli Space Solar şirkəti simsiz enerji ötürmə texnologiyasında əhəmiyyətli bir addım ataraq 360 dərəcə enerji ötürülməsini təmin edən sistemini nümayiş etdirib. Kosmosa əsaslanan günəş enerjisinin əsas üstünlüklərindən biri, Yer əsaslı sistemlərdən fərqli olaraq, fasiləsiz enerji təmin etmək qabiliyyətidir.
Bununla belə, bu təşəbbüslər Yer kürəsini enerji ilə təmin etməyə yönəlib. Star Catcher isə orbitdəki peykləri enerji ilə təmin etməyi hədəfləyir. Öz növbəsində ilk elektrik şəbəkəsi aşağı Yer orbitində və ondan kənarda kosmik gəmilərə əhəmiyyətli miqdarda geniş spektrli enerji təmin edəcək. Şəbəkə Yerdən təxminən 1500 km yüksəklikdə yerin aşağı orbitində qurulacaq və istehsal etdiyi elektrik enerjisini digər kosmik gəmilərə səmərəli şəkildə ötürmək üçün günəş enerjisindən istifadə edəcək. Sistem günəş işığından daha yüksək intensivlikdə enerji çatdıracaq və kosmik gəmilərə mövcud günəş panellərindən 5-10 dəfə daha çox enerji istehsal etməyə imkan verəcək. Beləliklə, gələn il Star Catcher Network dünyanın ilk kosmik günəş enerjisi stansiyası peyklərə enerji verməyə başlayacaq.
