BMT-nin hesabatına görə, kibercinayətkar təşkilatlar yəni hakerlər ötən il təxminən 37 milyard dollar oğurlayıb. Artan qeyri-qanuni iqtisadiyyat həm də çirkli pulların yuyulması fəaliyyətlərinə kəskin şəkildə təsir edir.
Birləşmiş Millətlər Təşkilatının son hesabatına görə, kibercinayətkar təşkilatların 2023-cü ildə təxminən 37 milyard dollar gəlir əldə etdiyi təxmin edilib. Hesabatda qeyd olunur ki, hüquq-mühafizə orqanları səylərini artırsa da, Cənub-Şərqi Asiyada bu cür qeyri-qanuni fəaliyyətlər artmaqdadır. BMT-nin Narkotik və Cinayətkarlıq İdarəsi bildirib ki, “Cənub-Şərqi Asiyada transmilli mütəşəkkil cinayətkarlıq təhlükəsi mənzərəsi tarixin istənilən vaxtında olduğundan daha sürətlə dəyişir”. BMT-nin hesabatında epidemiyadan sonra xüsusilə Mekong bölgəsində qeyri-qanuni kiber fəaliyyətlərin artdığı vurğulanır.
BMT-yə görə, Myanma, Kamboca və Laos kimi ölkələr cinayətkar təşkilatların yuvasına çevrilib. Bu qruplar romantik investisiya sxemləri, kriptovalyuta fırıldaqları, çirkli pulların yuyulması və icazəsiz qumar əməliyyatları da daxil olmaqla bir sıra fırıldaqçılıq fəaliyyətləri ilə məşğul olurlar. Hesabatda həmçinin vurğulanır ki, kibercinayətkar təşkilatlar qabaqcıl texnologiyalarla yanaşı, yeni xidmətə əsaslanan biznes modellərini də mənimsəyiblər. Onlar zərərli proqramları, deepfake texnologiyalarını və generativ süni intellektləri öz əməliyyatlarına inteqrasiya edirlər. Onlar həmçinin çirkli pulların yuyulması fəaliyyətlərini asanlaşdırmaq üçün yeni yeraltı bazarlar və kriptovalyuta həlləri yaradırlar. Bu üsullarla hakerlər ötən il rekord qıraraq 37 milyard dollar oğurlamağı bacarıblar
