Taiwan Semiconductor Manufacturing Co (TSMC) şirkətinin qurucusu Morris Chang verdiyi açıqlamada, Intel-in müqaviləli çip istehsalçısı olmağa çalışmaq əvəzinə süni intellektə diqqət yetirməli olduğunu bildirib. Chang, Intel-in süni intellektə (AI) diqqət yetirmək əvəzinə müqaviləli çip istehsalçısı olmaq səyinin qüsurlu bir strategiya qurduğunu iddia edib.
Qeyd edək ki, Morrisin açıqlamaları Intel-in baş direktoru Pat Gelsingerin bu yaxınlarda işdən çıxarılmasından sonra verilib. Gelsingerin Intel-i dəyişdirmək üçün bahalı və iddialı planının uğursuz olduğu və irəliləyişin yavaş olduğu düşünülür. Bununla belə, nə Intel, nə də Gelsinger ayrılıq üçün konkret səbəb göstərməyiblər. Gelsinger istəyirdi ki, Intel bir vaxtlar TSMC ilə əvəzlənərək müqaviləli çip istehsalçısı olsun. Digər tərəfdən Chang, tərcümeyi-halını tanıtmaq üçün təşkil edilən bir tədbirdəki çıxışında Pat Gelsingerin Intel-dən niyə ayrıldığını bilmədiyini, ancaq ABŞ şirkətinin yeni CEO-dan əlavə yeni strategiya axtarışında olduğunu bildirib.
Reuters-in məlumatına görə, Gelsingerin rəhbərliyi altında Intel bir çox mühüm müştərisini itirib və qarşısına iddialı məqsədlər qoymasına baxmayaraq, bəzi müqavilələr ləğv edilib. Bundan əlavə, TSMC ilə münasibətlərdə gərginlik yaşanıb. Hətta Chang, Gelsingeri “bir az kobud” adlandırıb və bu vəziyyətin iki şirkət arasındakı əməkdaşlığa mənfi təsir etdiyini bildirib.
