Nvidia və MediaTek ilə əməkdaşlıqda hazırlanan süni intellekt çipinin 2025-ci ilin ikinci yarısında gələcəyi bildirilir. Belə ki, bu süni intellekt çipinin istifadəçiləri arasında Lenovo, Dell, HP və ASUS kimi nəhənglər yer alacaq.
Süni intellekt (AI) texnologiyaları son illərdə sürətlə inkişaf edərkən, bu sahədə mühüm əməkdaşlıqlardan biri Nvidia və MediaTek-dən gəlib. Beləliklə, İki nəhəng texnologiya şirkəti “AI PC” bazarı üçün hazırladıqları çip həllini 2025-ci ilin ikinci yarısında təqdim etməyə hazırlaşır. Lenovo, Dell, HP və ASUS kimi əsas avadanlıq istehsalçılarının bu çipi tez bir zamanda qəbul edəcəyi gözlənilir. Ümumiyyətlə, Nvidia-nın qrafik prosessorlarında (GPU) qazandığı təcrübə və əldə etdiyi uğurlar hər kəsə məlumdur.
MediaTek isə mobil prosessorların aparıcı şirkətləri arasındadır və şirkət bir müddətdir ki, PC sənayesinə daxil olmaq niyyətində idi. Bu tamamlayıcı harmoniya ilə ortaya çıxacaq çipin Qualcomm-un Snapdragon X Elite və Intel-in Lunar Lake mobil çipləri ilə rəqabət aparacağı gözlənilir. Sızan məlumatlara görə, Nvidia və MediaTek tərəfindən hazırlanan bu yeni süni intellektə əsaslanan çip TSMC-nin 3nm istehsal prosesi ilə istehsal ediləcək və ARM arxitekturasına əsaslanacaq. Nvidia-nın yeni nəsil inteqrasiya olunmuş qrafik vahidinin (iGPU) da bu çipdə yer alacağı deyilir.
Lenovo, Dell, HP və ASUS kimi nəhəng markaların bu yeni SoC-ni sistemlərinə inteqrasiya etməyə hazırlaşdıqları bildirilir. Bu markaların süni intellektlə dəstəklənən kompüter bazarına sürətlə daxil olması rəqabəti artıracaq və istifadəçilər üçün yeni seçimlər yaradacaq. Nvidia və MediaTek arasındakı əməkdaşlıq istifadəçilərin AMD və Intel kimi ənənəvi istehsalçılar və bazarın yeni oyunçusu Qualcomm tərəfindən təklif olunan həllərdən başqa fərqli alternativlərə müraciət etmələrinə yol açacaq.
