Beləliklə, hakerlər tərəfindən internetin bütün tarixini qoruyan unikal platforma olan İnternet Archive və ya archive.org sındırılması nəticəsində 31 milyon istifadəçinin məlumatı sızdırılıb. Sızdırılan məlumatlar arasında istifadəçilərin e-poçt ünvanları, istifadəçi adları və hətta parolları yer alır. Hadisədən qısa müddət sonra sosial media istifadəçiləri Archive.org ana səhifəsinin skrinşotlarını aktiv şəkildə paylaşmağa başlayıblar.
Gecə saatlarında istifadəçilər Archive.org-un ana səhifəsində aşağıdakı mesajı görüblər: “Heç İnternet Arxivinin kənarda saxlanıldığını və daim fəlakətli məlumat sızması astanasında olduğunu hiss etmisinizmi? Bu artıq baş verdi. 31 milyon nəfərlə HIBP-də görüşənədək!”. Bu mesaj dərc edildikdən sonra sayt müvəqqəti olaraq əlçatmaz olub. Archive.org-un qurucusu Brewster Kahle daha sonra sosial media vasitəsilə platformanın DDoS hücumuna məruz qaldığını açıqlayıb. Qısa müddət keçdikdən sonra isə sayt yenidən açılıb.
DDoS hücumu qısamüddətli fasilələrə səbəb olsa da, bu, istifadəçilərə məlumatlarının oğurlandığını yoxlamağa kömək edən onlayn xidmət olan Have I Been Pwned (HIBP) tərəfindən təsdiqlənən ən diqqətəlayiq məlumat sızması olub. HIBP Archive.org hücumunun bir ay əvvəl baş verdiyini təsdiqləyib. Nəticədə hakerlər e-poçt ünvanları, istifadəçi adları və heşlənmiş parollardan ibarət 31 milyon məlumatlı oğurlayıblar. Parolları hash etmək üçün istifadə edilən bcrypt alqoritmi məlumatların ən güclü mühafizə üsullarından biri hesab olunur. Bununla belə, istifadəçilər zəif parollar seçsələr və ya bu parolları başqa platformalarda istifadə edərlərsə, bu alqoritmin istifadəsi belə tam təhlükəsizliyi təmin etmir. Buna görə də, Archive.org istifadəçilərinə parollarını dərhal dəyişmələri və hesabın əlavə qorunması üçün iki faktorlu autentifikasiyanı aktivləşdirmələri tövsiyə olunur.
