Kosmosun nəhəngliyi artıq hərkəsə məlumdur. Hətta kosmos o qədər böyükdür ki, planetimizin peyki olan Ay hələ tam kəşf edilməyib. Belə ki, Çin alimləri düşünür ki, Ay hələ tam kəşf edilməyib və onun cənub qütbü barədə məlumat yoxdur. Əslində Hindistan daha əvvəl Ayın cənub qütbünə eniş etdiyini bildirmişdi. Hətta onlar missiyanın uğurla tamamlandığını da elan etmişdilər. Çinlilər isə bu fikir ilə razılaşmır. Onlar düşünür ki, Hindistanın Aya göndərdiyi modul heç cənub qütbünə yaxınlaşmağı bacarmayıb. Məhz bu səbəbdən də Çin yer planetinin təbii peykinə yeni bir səfər etməyi planlayır.
Ay peykinin hələ tam kəşf edilmədiyini düşünən Çin alimləri yeni səfərləri ilə onun cəbun qütbünü də tam kəşf etməyi planlayır. Hətta bunun üçün Çin alimləri tarix də verib. Belə ki, çinlilər 2026-cı ildə peykimizin cənub qütbünə ediş edən bir aparat ilə onun fəthini tamamlayacaq. Maraqlısı budur ki, Çinlilərə görə Hindistanın Chandrayaan-3 missiyasının enmə modulu peykin təxminən 69° cənub eninə eniş edib. Bu yer isə Ayın cənub qütbündən təxminən 600 km məsafədədir. Çin Elmlər Akademiyasının üzvü və Çinin Ay proqramının rəhbəri Ouyanq Ziyuan bu barədə Science Times qəzetinə müsahibəsində bildirib.
Onu da qeyd edək ki, NASA peykimizin cənub qütb bölgəsinin 80° və 90° cənub enlikləri arasında yerləşdiyini bildirir. Lakin çin alimləri ayın cənub qütbünün daha kiçi enliklər aralığında olduğuna inanır. Buna səbəb isə Ayın fırlanma oxunun əyilməsi cəmi 1,5°-dir. Bundan əlavə Çİnin 2026-cı ildə aya eniş etmək missiyası Chang’e-7 adlanır. Güman edək ki, nəhayət bu missiya ilə Ay tamamilə kəşf ediləcək.
