Müasir dövrdə dünyada onlayn ticarət anlayışı çox geniş yayılıb. Belə ki, dünyanın istənilən bir nöqtəsində minlərlə km məsafədə olan digər nöqtədən sifariş vermək olur. Yəqin ki, sizdə daha ucuz və ya daha keyfiyyətli olduğunu düşündüyünüz üçün hərhansı xarici ölkədən sifariş etmisiniz. Bəs bu sifarişi edərkən sizin sifarişinizi daşıyan Beynəlxalq Ticarət Gəmiləri barədə araşdırma etmisinizmi? Sakit Okean Ətraf Mühitinin İqlim Kampaniyasının Direktoru olan Madeline Rose Earther resursuna müsahibə verərkən hər il minlərlə Beynəlxalq ticarət gəmisinin ekologiyamızı çirkləndirdiyini vurğulayıb.
Dünyanın onlayn alış-veriş asılılığı böyüdükcə ekologiyaya dəyən zərər də böyüyür. Belə ki, analtiklər 2050-ci ilə qədər dünyadakı ümumi karbon emissiyasının 17%-nin Beynəlxalq Ticarət Gəmiləri tərəfindən buraxılacağını iddia edir. Qeyd edək ki, ABŞ prezidenti Biden, dünya ölkələrini 2050-ci ilə qədər karbon emissiyasını sıfıra endirməyə çağırsa da, hələlik bu çağırışa əməl edən yoxdur.
Dizel mühərriki ilə işə düşən nəhəng ticarət gəmiləri yüzlərlə tonluq yükləri aylarla okean üzərində daşıyır. Bu zaman isə nəhəng ticarət gəmilərindən okeana çoxlu zərərli tullantılar axıdılır. Müasir dövrdə nəhəng avtomobil şirkətləri ekologiyanın çirklənməməsi üçün elektromobillər istehsal edir. Lakin bəzi şirkətlər külək enerjisi ilə işləyən Beynəlxalq ticarət gəmiləri istehsal etməyi planlasa da bunu həyata keçirməyin effektivliyi mümkün olmamışdır.
Madeline Rose bildirir ki, böyük neft şirkətləri Beynəlxalq ticarət gəmilərinin elektrikləşdirilməsinin tərəfdarı deyil. Buna səbəb isə gəmilərin çoxlu dizel yanacağından istifadə etməsidir. Belə ki, şirkətlər əsas gəliri məhz gəmiçilik sənayəsindən qazanılır. Nəhayət qeyd edək ki, gələcəkdə BMT və IMO yəni Beynəlxalq Dəniz Təşkilatı tərəfindən gəmiçilik sənayesinin elektrikləşdiriləcəyi iddia olunur.
