Xüsusilə şəhərdə yaşayan insanlar Azəristiliktəchizat qurumundan yəqin ki, xəbərdardırlar. Belə ki, Bakı şəhərində və bəzi regionlarda evlərin, binaların, təhsil, səhiyyə və digər sosial təyinatlı obyektlərin istilik təchizatını təmin edən qurumdur. Bu tip qurumların ən əsas üstün cəhəti vahid bir qazanxananın yaradılması ilə bir çox yerdə istiliyi təmin etməyin mümkünlüyüdür. Lakin belə qazanxanalar daim müəyyən bir enerjidən istifadə etməlidilər. Bu enerji isə əksər hallarda maye və ya qaz yanacaqlar olurlar. Hal-hazırda Rusiya və Ukrayna arasındakı müharibə də Avropada müəyyən qədər enerji qaynaqlarında alternativlərin axtarılmasına məcburiyyət yaradıb. Ortaya çıxan məlumata görə Avropa Birliyi ölkələri data mərkəzlərini evləri qızdırmaq üçün işlətməyi başlayır.
İddialara görə Amazon, Apple və Microsoft artıq bu istiqamətdə işlərə başlayıb
2 həftə əvvəl təkcə Google şirkətinə aid data mərkəzlərinin yüksək istilik səbəbi ilə nə qədər su işlətdiyini sizinlə bölüşmüşdük. Ortaya çıxan hesabat göstərdi ki, 2021-ci ildə Google şirkətinə məxsus dünyanın müxtəlif nöqtələrindəki məlumat mərkəzləri, 15 milyard litrdən çox su işlədib. Aydın məsələdir bu qədər çox su işlədən sadəcə bir şirkətə aid data mərkəzləri olduqca yüksək səviyyədə enerji istehlak edir. Hətta dünyadakı bütün enerji istehlakının 1%-lik hissəsi məhz qlobal data mərkəzlərinin payına düşür. Bu da data mərkəzlərini evləri qızdırmaq üçün yaxşı bir bərpa edilə bilən enerji qaynağına çevirə bilər.
Əslində çox az adam bilsə də “Meta Platforms” şirkəti 2020-ci ildən bu yana Danimarkada belə bir fəaliyyətlə məşğuldur. Bu ildən etibarən tam olaraq 11.000 ev fantastik səslənsə də data mərkəzləri tərəfindən isidilən su ilə qızdırılacaq. İndi isə digər şirkətlər də sürətlə bu üsulun tətbiqinə və enerjini beləcə geri qazanılmasına fokuslanır. 48,5 hektar ərazidə data mərkəzi yaradan Apple, o cümlədən Amazon, Microsoft şirkətləridir. Avropa Birliyi ölkələrinin də məcburiyyəti ilə bu şirkətlər qısa vaxt ərzində bərpa olunan enerji layihələrinin timsalında evləri qızdırmaq üçün data mərkəzlərini tələbə uyğunlaşdıracaqlar.
Qeyd edək ki, evləri və müəssisələri isitməkdən əlavə, biznes sahəsi kimi istixanaları da qış aylarında əkinçilik üçün isitmək olduqca yaxşı effekt verir. İstilik enerjisini geri qazanaraq birbaşa əkinçiliyə yönəldən şirkətlər, qış aylarında pomidor kimi dəyərli tərəvəzləri yetişdirib yaxşı gəlir əldə edirlər. Yəni, istilik geri qazanılır, üstəlik qazanılan enerji yenidən fərqli bir üsulla məhsula çevrilərək gəlir mənbəyi olur.
