Xiaomi yeni HyperOS sistemini bir çox cihazı üçün təqdim etməyə davam edir. Belə ki, Çinli texnologiya nəhəngi Xiaomi bu ilin ilk yarısında qlobal HyperOS yeniləməsi əldə edəcək smartfonları açıqlayıb. Xatırladaq ki, daha əvvəl fevral ayında yenilənmə əldə edəcək Xiaomi, Redmi və Poco modelləri bəlli olmuşdu. Ümumiyyətlə Xiaomi qlobal bazarda yeni flaqman Xiaomi 14 və Xiaomi 14 seriyasını təqdim etdikdən sonra HyperOS sistemini daha çox cihaz üçün istifadəyə verməyi planlayır.
Qeyd edək ki, Android 14 əsaslı HyperOS yenilənmiş sistem proqramları, təkmilləşdirilmiş interfeys performansı və bəzi əlavə funksiyalar təqdim edir. Beləliklə, yeni saat üslubları, şriftlər, divar kağızları və vidcetlərə əlavə olaraq, kilid ekranında daha çox fərdiləşdirmə variantları mövcud olacaq. Bundan əlavə ,idarəetmə mərkəzi indi daha sadə və müasir dizayna malikdir. HyperOS avtomobillərdə, ağıllı saatlarda, məişət texnikasında və bir çox başqa məhsullarda daha təkmil inteqrasiya təklif edir. Yeni versiyanın ölçüsü isə 8.75 GB təşkil edir.
İlin ilk yarısında HyperOS yeniləməsi əldə edəcək cihazlar
Ağıllı smartfonlar
- Xiaomi 14 Series (əvvəlcədən quraşdırılmış)
- Redmi Note 13 seriyası
- Xiaomi 13 seriyası
- Redmi Note 12 Pro+ 5G
- Xiaomi 13T seriyası
- Redmi Note 12 Pro 5G
- Xiaomi 12 seriyası
- Redmi Note 12 5G
Planşetlər
- Xiaomi Pad 6S Pro (əvvəlcədən quraşdırılmış)
- Xiaomi Pad 6
- Redmi Pad SE
- Xiaomi 12T seriyası
Geyilə bilən cihazlar
- Xiaomi Watch S3 (əvvəlcədən quraşdırılmış)
- Xiaomi Smart Band 8 Pro (əvvəlcədən quraşdırılmış)
