Google süni intellekt tədqiqatlarını təqdim etməyə davam edir. Belə ki, Google bu gün çox sadə səviyyədə oyun hazırlaya bilən yeni Genie süni intellekt modelini təqdim edib. Görünən odur ki, süni intellekt artıq daha da ağıllanıb və oyunlar hazırlamağı öyrənib. İlk mərhələdə süni intellekt modeli çox sadə səviyyəli oyunları hazırlaya bilsə də, hazırladığı bütün oyunlar işlək vəziyyətdədir.
Qeyd edək ki, Google şirkəti daxilindəki DeepMind komandası tərəfindən hazırlanan yeni sistem Genie artıq diqqətləri öz üzərinə cəlb etməyi bacarıb. Google şirkətinin açıqlamasına görə sadə oyun hazırlaya bilən Genie süni intellekt modeli uzun müddət öyrədilib. Belə ki, süni intellekt modelinin 200 min saatlıq oyun videosu üzərində məşq edildiyi ortaya çıxıb. Süni intellekt modelinin ən çox maraq cəlb edən tərəfi isə sadəcə tək əmrdən və ya təsvirdən video oyunları hazırlaya bilməsidir. Hələlik hər kəs üçün əlçatan olmayan və gələcək üçün çox ciddi potensiala malik olan sistem verilən məlumat əsasında baş qəhrəmanın kim olduğunu müəyyən edə və yaradılmış dünyada istifadəçiyə bu personajı idarə etməyə imkan verə bilər.
Google Genie ilk baxışda həqiqətən də olduqca iddialı görünür. Həmçinin, yeni sistemin zamanla qrafik olaraq daha yaxşı olacağı düşünülür. OpenAI-nin video modeli Sora-nı gördükdən sonra bu cür sistemlərin gələcəyi ilə bağlı gözləntilər inanılmaz dərəcədə artır, məhsuldar süni intellekt sistemləri hər gün qorxulu dərəcədə yaxşılaşır. Bundan əvvəl də Google tərəfindən imzalanmış Gemma bir sıçrayış etmişdi. Google DeepMind işçiləri və Google daxilindəki bir sıra digər komandalar tərəfindən hazırlanmış Google Gemma əsas diqqəti süni intellekt tərtibatçıları və tədqiqatçılarına yönəldir.
