Texnologiya nəhənglərinin qiymət tərəfində problem yaşadığı bu dövrdə Samsung həvəskarlarını sevindirməyə çalışır. Belə ki, cənubi koreya mərkəzli texnologiya nəhəngi yeni Galaxy A55 və Galaxy A35 modellərini sələflərindən daha ucuz qiymətə təklif edəcək. Belə ki, yeni cihazların sələflərindən təxminən 50 dollar daha ucuz qiymət etiketinə sahib olacağı gözlənilir. Sammobile mənbəsi bildirir ki, Samsung Apple və digər texnologiya nəhənglərindən fərqli olaraq qiymət artımı etməyi düşünmür.
Xatırladaq ki, ötən günlərdə yeni Galaxy A55 modelinin 3 fərqli rəngdə görüntüləri ortaya çıxmışdı. Belə ki, Awesome Iceblue, Awesome Lilac və Awesome Navy rənglərində olan Galaxy A55 istifadəçilərin diqqətini cəlb etmişdi. İndi isə Galaxy A55 və Galaxy A35 modellərinin sələflərindən daha ucuz qiymətə təklif ediləcəyi məlum olub. Alman resursu WinFuture-da yeni Galaxy A55 modellərinin daha ucuz qiymətə təklif olacağını təsdiqləyib. Qeyd edək ki, Galaxy A54 modeli 6-128GB və 8-25GB yaddaş versiyalarında müvafiq olaraq 490 avro, 550 avro qiymət etiketi ilə təklif olunurdu. Sammobile mənbəsinə görə isə yeni Galaxy A55 modelinin qiymətləri 480 və 530 avro təşkil edəcək.
Bununla belə WinFuture mənbəsi qiymət endiriminin 50 avro olacağını və yeni qiymətlərin müvafiq olaraq 450, 500 avro olacağını bildirir. Galaxy A35 modelinə gəlincə isə onun yeni qiymətləri də 6-128GB və 8-256GB versiyaları üçün müvafiq olaraq 380 avro, 450 avro təşkil edəcək. Bundan əlavə, dizayn tərəfində isə smartfon sələfi Galaxy A54 ilə eyni detallara sahib olacaq. Samsung bu il də A seriyalı smartfonlarının dizaynını dəyişməyəcək. Sadəcə yeni Galaxy A55 modeli yan tərəfdə çıxıntı əldə edəcək. O cümlədən Galaxy 54 modelindən fərqli olaraq Galaxy A55 modeli daha fərqli çərçivəyə sahib olacaq. Qeyd edək ki, yeni ekran çərçivəsi dizaynı ötən ay təqdim edilən Galaxy A15 və A25 modellərində də istifadə olunub. Arxa kamera dizaynı ayrı-ayrı 3 linzadan ibarət olub və şaquli LED flaş ilə təchiz edilib.
