Milli Enerji Agentliyinin (ІЕА) “Fotovoltaik Enerji Sistemləri Proqramı” mövzusunda nəşrində bildirilir ki, Almaniyada tullantı olaraq atılan günəş panellərinin toplanması və təkrar emalı böyük əhəmiyyət kəsb edir. Belə ki, Almaniya, hər ötən gün Avropanın ilk günəş paneli zibilxanasına çevrilmək riski ilə üzləşir və yaxında bu reallaşa bilər. Ümumiyyətlə, Almaniya, günəş panellərini aktiv şəkildə istifadə edən və kütləvi təkrar emal ehtiyaclarını ödəyən ilk ölkə ola bilər.
Almaniyada günəş enerjisindən bu qədər aktiv istifadə olunması isə gələcəkdə müəyyən problemləri ortaya çıxmasına səbəb olacaq. Belə ki, 2030-cu ilə qədər günəş enerjisi tullantıları 1 milyon tona çatacaq və bu, Almaniya üçün çətin vəziyyətin yaranması deməkdir. Qeyd edək ki, Almaniya, sahib olduğu günəş enerjisi gücünə görə, Çin, ABŞ, Yaponiya və Hindistan ilə birlikdə ilk beşlikdə yer alır. Fraunhofer Günəş Enerjisi Sistemləri İnstitutu” 2020-ci ilin sonundan etibarən Almaniyada təqribən ümumi gücü 67GW olan günəş panellərinin qurulduğunu təxmin edir. Həmçinin, Almaniyanın “Bərpa olunan Enerji İstehsalı”nın 2023-cü ildə yenilənməsi ilə fotovoltaik müəssisələrin genişləndirmə hədəfləri əhəmiyyətli dərəcədə artırılaraq 2030-cu ildə 215 GW, 2040-cı ildə 400 GW-a çatmışdır.
2030-cu ilə qədər istismardan çıxarılan günəş panellərinin illik həcminin ildə 100.000 ton və ya 1.2GW enerjiyə bərabər olacağı gözlənilir. Almaniya indi tullantıların toplanması və idarə edilməsində şəffaflığın artırılması, habelə xüsusi kadrların yetişdirilməsi ilə yaxından məşğul olur. Hətta Almaniya təkrar emal tərəfində də xüsusi addımlar ataraq Avropanın ilk günəş paneli zibilxanasına çevrilməkdən qurtulmaq niyyətindədir.
