Qlobal karbon emissiyalarının və urbanizasiyanın eksponent olaraq artdığı bu dövrdə elm adamları şəhər mühiti üçün davamlı həllər yaratmaq üçün çalışırlar. Belə ki, bu məqsədlə tədqiqat aparat aparan bir universitet tələbəsi oksigen istehsalını təqlid edən süni yarpaq hazırlamağa müvəffəq olub. Bu materialdan hazrlanan süni yarpaq fotosintezi təqlid etməyi bacarır.
İndi isə “Bəs bu material nə edəcək?”, “Harada istifadə olunacaq?” kimi suallara cavab verək. Bildiyimiz kimi tədqiqatçılar uzun müddətdir ki, oksigen istehsalını dəstəkləyən alternativlər üzərində işləyirlər. Böyük Britaniyada Kral İncəsənət Akademiyasını bitirmiş Julian Melchiorri adlı tələbə fotosintez vasitəsilə yarpaqların oksigen istehsal prosesini təqlid edən ipək material üzərində işləyərək bunu inkişaf etdirməyi bacarıb. İpək yarpağı adlanan bu material xloroplastlardan, yəni ipək zülalının matrisinə yerləşdirilən fotosintezi həyata keçirən orqanoidlərdən, başqa sözlə, bir çox bioloji hadisələrin baş verdiyi cansız maye mühitdən ibarətdir.
Yarpaq işıq və su ilə təmasda olduqda, fotosintez prosesini təqlid edir və beləliklə, oksigen istehsal edə bilir. Ancaq ipək yarpaqları həqiqi yarpaqlar kimi bütün funksiyalara sahib deyil. Bu süni yarpağın digər müxtəlif bioloji funksiyaları təqlid etmək üçün inkişaf etdirilməli olan tərəfləri də mövcuddur. Bundan əlavə, yüngül çəkisi və az enerji sərfiyyatı səbəbiylə bu ipək yarpağı Mars kimi bəzi planetlərdə koloniyaların qurulması prosesində və uzunmüddətli kosmos missiyalarında astronavtlara töhfə verə biləcək oksigen mənbəyi kimi istifadə edilə bilər. Bu ipək yarpağının başqa bir istifadəsi şəhərlər ola bilər. İpək yarpağının yaradıcısı Julian Melchiorri bildirir ki, bu materialdan xüsusilə binaların fasadlarında və havalandırma sistemlərində istifadəsi şəhərlərdə havanın keyfiyyətinin yaxşılaşdırılmasına da kömək edə bilər.
