Yaponiyanın 139 yaşlı kabel şirkəti Fujikura-nın səhmləri son bir ildə 400% dəyərlənib. Maraqlısı budur ki, artıq hər kəsin adını belə unutduğu bu şirkətin səhmləri məhz süni intellekt sayəsində bu qədər bahalaşıb.
Ümumiyyətlə, süni intellekt, şübhəsiz ki, müasir texnologiya dünyasında ən vacib məsələdir. Bu texnologiyanın gündən-günə daha da inkişaf etdiyini və bu sahədə şirkətlərin meydana çıxdığını görürük. Təbii ki, bu populyarlıq süni intellekt sahəsində addımlar atan şirkətlərin də ön plana çıxmasına şərait yaradır. Yaponiya fond bazarında baş verənlər buna ən yaxın nümunədir.
Davam edən qlobal süni intellekt tendensiyası hər kəsin adını belə unutduğu köhnə Yaponiya şirkətlərini dəyərləndirməyə başlayıb. Hansı ki, 139 yaşlı yapon şirkətinin səhmləri qısa bir müddət əvvəl süni intellekt sayəsində birjanın parlayan ulduzu olub. Bu şirkət, Fujikura, məlumat mərkəzləri üçün kabellər istehsal edən elektrik avadanlıqları şirkəti idi. Baş ofisi Tokioda yerləşən bu şirkətin yaranması 1885-ci ilə təsadüf edir. Şirkət son bir ildə səhmlərində təxminən 400% artımla ən yaxşı performans göstərən şirkətlərdən birinə çevrilib. Birdən dəyər qazanan köklü şirkət fiber optik kabellər sahəsində ixtisaslaşmışdır. Onun məhsulları sənayedə ən kiçik diametrlərə malikdir. Bu, onları dar yerlərdə istifadə etməyə imkan verir və rəqiblərini qabaqlayır. Məlumat mərkəzlərinin süni intellekt üçün nə qədər əhəmiyyətli olduğunu nəzərə alsaq, belə bir şirkətin uğurlu olması təəccüblü deyil.
