Samsung brendi texnologiya sahəsində inqilab yaradacaq yeniliyə imza ataraq GDDR7 qrafik yaddaşını təqdim edib. Xatırladaq ki, texnologiya nəhəngi hələ keçən ilin sonunda 36Gbps tezliyində işləyəcək qrafik yaddaşları barədə çalışdığını xəbər vermişdi. İndi isə koreyalı brend Geforce RTX5090 və ya RTX 4090 Ti qrafik kartlarında görə biləcəyimiz GDDR7 texnologiyasını təqdim edib. Bir sözlə desək, Samsung kompüter texnologiyalarının performansını biraz da artıracaq.
Qeyd edək ki, Samsung ilə yanaşı Micron da ötən aylarda GDDR7 qrafik yaddaşını elan etmişdi. Lakin Micron hələ qrafik yaddaşın inkişaf prosesinə belə başlamayıb. Görünən odur ki, Samsung rəqiblərini qabaqlayaraq gələcək nəsil qrafik kartlarda istifadə ediləcək texnologiyanı artıq hazırlayıb. Maraqlısı budur ki, yeni GDDR7 qrafik yaddaşı əvvəlki nəsil GDDR6 ilə müqayisədə 40% daha çox performans və 20% daha çox enerji səmərəliliyi təklif edir. Həmçinin yeni qrafik yaddaşı 2 TB/san və 1.5TB/san ötürmə qabiliyyətinə malikdir.
Hələlik bu qrafik yaddaşını dəstəkləyən model mövcud deyil. Lakin yaxın gələcəkdə Nvidia və AMD kimi qrafik kart istehsalçıları bu texnologiyalara keçid edəcək. Bundan əlavə Nvidia şirkəti Micron qrafik yaddaşlarından istifadə etdiyi üçün AMD-nin Samsung qrafik yaddaşlarından istifadə edəcəyi gözlənilir. Bu isə öz növbəsində bu sahədə olan rəqabəti daha da artıracaq. GDDR7 qrafik yaddaşından istifadə edən ilk qrafik kartların hələ 2024-cü ilin sonlarında bazara çıxarılacağı gözlənilir. Lakin bu proses gözləniləndən daha tez baş verə bilər.
Новости не обязательно должны быть написаны на русском языке, чтобы их читали на русском или любом другом языке. Ради Бога, мы живем в 2023 году, какой браузер не поддерживает автоматический перевод? :)
