İlk dəfə 2002-ci ildə çıxan və dövründə oyunçular tərəfindən çox sevilən Mafia oyununun yenisi hazırlanır. Belə ki, Mafia oyunlarının tərtibatçısı olan və oyunların hazırlığını həyata keçirən Hanger 13 studiyası, bu xəbəri ilk oyunun 20-ci ildönümünü münasibətilə bağlı paylaşılan bloq yazısında elan edib.
Studiya yeni oyunla bağlı təfərrüatları hələ paylaşmayıb. Oyunun ən son buraxılışı olan 2020-ci ildə Mafia: Definitive Edition 2002-ci ildəki orijinal oyunun “remake”, yəni yenidən hazırlanmış versiyası olub. Kotaku tərəfindən verilmiş məlumatda, studiyanın İtaliyada çəkilmiş və Unreal Engine 5 üzərində qurulmuş bir oyun üzərində işlədiyini ortaya qoymuşdu. Bu layihənin ötən gün açıqlanan Mafianın davam oyununa aid olub-olmadığı bəlli deyil. Lakin iddialara görə 2K və Hanger 13-ün bu layihəsi məhz Mafia oyunu üçün nəzərdə tutulub.
Tamamilə yeni Mafıa layihəsi üzərində işə başladığımızı təsdiq etməkdən məmnunluq duyuram. Bir neçə il uzaqda olan yeni oyunumuz barədə çox bir məlumat paylaşa bilməsək də, sevilən Mafia oyunumuz üzərində işləməyə davam etmək və oyunçularımızı yeni hekayələrlə əyləndirmək üçün həqiqətən həyəcanlıyıq.”
– Hangar 13 baş meneceri Roman Hladik bildirir.
Oyunun hekayəsi sizin üçün maraqlıdırsa, tanış olmaq və ya xatırlamaq istəyirsinizsə 1-5 sentyabr tarixləri arasında Steam üzərindən əldə edərək oynaya bilərsiniz. Siz həmçinin, Definitive Edition versiyasını 8 sentyabra qədər endirimlə ala bilərsiniz. Düşüncələrinizi bizimlə paylaşmağı unutmayın.
