NASA James Webb kosmik teleskopundan dünən SMACS 0723 qalaktika yığınının ilk görüntüsünü paylaşmışdı. Ardıyca isə NASA James Webb teleskopundan yeni rəngli şəkillər və məlumatlar yayımlayıb. Şəkillər parlaq dumanlıqları və ekzotik qalaktikaları görünməmiş detallarla nümayiş edir. Gəlin birlikdə fotolardakı bəzi qalaktikalara qısaca nəzər salaq.
NASA James Webb: Stephan’s Quintet
Bu, Peqasus ulduz toplantısında olan beş qalaktikadan ibarət qrupdur. Onlardan dördü yığcam qalaktikalar qrupunu təşkil edir, beşinci qalaktika isə qrupa daxildir. Şəkildə onlar bir çox rəngli qalaktikalar və ulduzlarla əhatə olunub. Bəziləri bizim Süd Yolumuzun daxilində, bəziləri isə daha uzaqdadır.
Stefan qalaktika qrupunun dörd qalaktikası təxminən 300 milyon işıq ili uzaqlıqda yerləşir. Onlar daim bir-biri ilə sıx təmasda olurlar, bu səbəbdən onların formaları dəyişir və onların spiral qollarında yeni ulduzların yaranmasına səbəb olur. James Webb teleskopunun görüntüsünün mərkəzində olan iki qalaktika aktiv birləşmə prosesindədir.
NASA James Webb: Southern Ring Nebula
Cənubi Üzük Nebulası – Bu nəhəng firuzəyi üzük ölçüsü yarım işıq ilini qədərdi. Müəyyən bucaqlardan tərs çevrilmiş səkkiz rəqəminə bənzədiyi üçün o, həmçinin “Səkkiz Partlayış” dumanlığı kimi də tanınır. Dumanlığın qazı 14,5 km/s sürətlə genişlənir, strukturun mərkəzində ölməkdə olan ikili ulduzdan (təsvirin mərkəzindəki parlaq işıq zərrəsindən) sürətlə uzaqlaşır. James Webb teleskopun imkanları və müxtəlif alətləri sayəsində dumanlığın mərkəzindəki qoşa ulduzu daha aydın görmək mümkündür.
SMACS 0723
NASA James Webb teleskopu tərəfindən çəkilən və paylaşılan ilk görüntüdə biz 4,6 milyard işıq ili uzaqlıqda yerləşən nəhəng qalaktikalar qrupunu görə bilərik. Onlar o qədər böyükdülər ki, ətrafdakı məkanı təhrif edərək arxa planda olan qalaktikaları böyüdən linza effekti yaradır.
Carina Nebula
Karina dumanlığı Yerdən təqribən 7600 işıq ili uzaqlıqda yerləşən nəhəng işıqlı qaz və toz bulududur. Bu dumanlıq olduqca nəhəng və qəddar ulduz inkubatorudur. Burada ətrafdakı materialları parçalayan yeni yaranmış ulduzlar, eləcə də özlərini məhv etmək ərəfəsində olan ulduzlar yerləşir.
Vaxtıykən Hubble teleskopu ilə, Karina Dumanlığının şəkilən şəkillər heyrətamiz idi, lakin James Webb teleskopu detalları o qədər üst səviyyəyə çıxarıb ki, bu cür heyrətamiz foto ortaya çıxıb. Görüntüdə dumanlığın kosmik qayaları inanılmaz dərin və rəngli göstərilib. Bunun hesabına kosmosun bu sahəsi haqqında əvvəlkindən daha çox təfərrüatlar ortaya çıxıb.
WASP-96B
WASP-96 Günəşdən təqribən 945 işıq ili uzaqlıqda olan Feniks ulduz qrupunda tək ulduzdur. WASP-96 B ulduzun ətrafında fırlanan nəhəng planetdir. Onun kütləsi Yupiterin təxminən yarısı qədərdi. Şəkildə WASP-96 B atmosferinin spektri göstərilir. NASA James Webb kosmik teleskopu belə uzaq planetlərin atmosferini qiymətləndirə bilir, bu isə ekzoplanetlərin tapılmasını və araşdırmasını asanlaşdırır.
Qeyd edək ki, bu görüntülər NASA James Webb teleskopunun qısa bir müddət ərzində çəkdiyi şəkillərdir. Önümüzdə 20 ilə yaxın zamanda bizi inanılmaz yeniliklər gözləyir.
