Bildiyimiz kimi, Apple uzun müddətdir ki, özünəməxsus dizaynlı 5G modem yaratmaq istəyir, lakin nə etsə də bunu bacara bilmir. Hətta şirkət öz CPU və GPU-larını belə təkmilləşdirsə də, modem yarada bilmədi. Apple Intel şirkətinin bir hissəsini aldıqdan sonra belə bu problemin həllini tapa bilməyib. Ortaya çıxardığı məlumatların dəqiqliyinə görə məşhur olan Revegnus bildirib ki, Apple özünəməxsus 5G modem yaratmaq üçün bütün səylərini dayandıracaq.
Apple bir neçə ildir ki, modem üzərində çalışır. Bu sahədə texnologiya nəhəngi böyük həcmlərdə investisiyalarda etməkdən çəkinməyib. İndi isə analitiklər xəbər verir ki, Apple 5G modem inkişaf bölməsinə qoyduğu investisiyaların həcmini azaldır və bütün səylərindən imtina etməyə hazırlaşır. Ümumiyyətlə texnologiya nəhəngi 2023-cü ildə də 5G modem hazırlaya bilmədi. Qeyd edək ki, Apple-ın özünə məxsus dizaynlı modemli ilk smartfonun buraxılışını əvvəlcə 2024-cü ilə, daha sonra 2025-ci ilə və hətta 2026-cı ilə təxirə salıb.
Apple bir neçə il ərzində apardığı araşdırmalarda müəyyən inkişaf əldə edib. Lakin ortaya çıxan bütün modelər bir sıra texnoloji problemlərə sahib idi. O cümlədən bu modemlər həddindən artıq isinmə və zəif performans kimi problemlərdən əziyyət çəkirdi. Apple öz modeminin yeni iPhone SE modelində istifadə etməyi planlayırdı. Lakin bütün cəhdlər uğursuz olduqda sonra texnologiya nəhəngi bu ideyasından imtina edəcək.
