Hər il olduğu kimi 2023-cü ilin sonunda da ilin ən uğurlu və ən yaxşı Android proqram və oyunları açıqlanıb. Texnologiya nəhəngi Google bu gün rəsmi açıqlaması ilə 2023-cü ilin ən yaxşı Android proqramları və oyunlarını elan edib. Ümumiyyətlə bu gün milyonlarla istifadəçi müxtəlif tərzlərdə oyunlar oynayır və proqramlardan istifadə edir. Məhz oyun tərtibatçıları çox geniş kütlə üçün oyun hazırladıqlarına görə bəzən oyunlar heç sevilməyə bilir. Lakin bəzən də bu oyunlar ilin oyunu nominasiyasına sahib olur.
Bu ilin ən yaxşı Android oyunları arasında ilk yeri məhz Honkai: Star Rail tutub. Habelə ilin ən yaxşı multiplayer oyunu Farlight 84, ilin ən yaxşı gündəlik oyunu Monopoly GO!, ilin ən yaxşı müstəqil oyunu Vampire Survivors olub. O cümlədən 2023-cü ilin ən yaxşı tətbiqləri Spotify, Threads, Canva, ChatGPT, Disney +, Amazon Prime Video, Character AI, FlipaClip, SNOW, Weverse, PAW Patrol Academy, Alarmy, Evernote, Crunchyroll, Lego Duplo Disney, Artifact, Remodel AI olub.
Təbii ki, bu tətbiq və oyunlar artıq bizlərə tanışdır. Yəqin ki, ilk ərzində ən azı 1 dəfə olsun bu tətbiq və oyunlardan istifadə etmişik. Habelə fərqinə varmadan biz istifadəçilər ilin ən yaxşı oyununu və ən yaxşı tətbiqini müəyyən etmişik. Qeyd edək ki, ChatGPT tətbiqi bu il əvvəlcə iOS, daha sonra isə Android istifadəçiləri üçün təqdim edilmişdi. Məhz bu tətbiq bu ilin ən yaxşılarından biri olub və 10 milyondan çox istifadəçi kütləsinə sahib olub.
