İlin ikinci rübündə nə qədər kompüter satıldığı və ən çox satılan markalar açıqlandı. IDC-nin apardığı araşdırma bazarda çox ciddi daralma olduğunu ortaya qoyub.
ABŞ-ın bazar araşdırması şirkəti International Data Corporation (IDC) 2022-ci ilin ikinci rübü üçün kompüter satış rəqəmlərini açıqlayıb. Araşdırmalar göstərib ki, kompüter satışları kəskin şəkildə azalıb. Belə ki, PC istehsalçıları son 3 ayda cəmi 71.3 milyon tədarük edib. Bu göstərici ötən ilin müvafiq dövrü ilə müqayisədə 15.3 faiz az olub. IDC, sənayedə daralmanın gözlənildiyini söyləyib. Çində COVID-19 məhdudiyyətləri və qlobal inflyasiya daralmanı dərinləşdirir.
Əslində bu məlumatlar o qədər də pis mənzərə yaratmır. Bəli, 2022-ci ildə satışlar 2021-ci illə müqayisədə olduqca aşağıdır. Bununla belə, pandemiyadan əvvəlki dövrlə, yəni 2018-2019-cu illərlə müqayisə etdiyimiz zaman satışların artdığını görürük. Həmin vaxt ümumi tədarük miqdarı müvafiq olaraq 62.1 milyon və 65.1 milyon təşkil edib. IDC-nin yüksək səviyyəli rəhbərlərindən Jitesh Ubrani tərəfindən edilən açıqlamalara görə, telefonlar və planşetlər bazarda daha geniş yayılır. Nəticədə bu da PC sənayesinin daralmasına təkan verir.
Ən çox satış edən şirkət hansıdır ?
IDC-nin araşdırması həmçinin hansı kompüter istehsalçılarının ən çox satılan məhsul satdığını da üzə çıxarıb. Açıqlanan nəticələrə baxdığımızda Çin texnologiya şirkəti Lenovo-nun zirvədə olduğunu görürük. Son 3 ayda 17.5 milyon ədəd satan Lenovo-dan sonra HP, Dell, Acer, Apple və ASUS gəlir.
2022-ci ilin 2-ci rübündə ən çox satan kompüter markaları
Lenovo: 17.5 milyon
HP: 13.5 milyon
Dell: 13.2 milyon
Acer: 5 milyon
*Apple: 4.8 milyon
*ASUS: 4.7 milyon
(*): Apple ilə ASUS arasındakı fərq mində 1 olduğu üçün hər iki şirkət 5-ci yerdə göstərilir.
Bu araşdırma 2022-ci ilin ikinci rübü ilə 2021-ci ilin ikinci rübü arasında ən çox satışı aşağı düşən şirkətləri də ortaya qoyub. Buna görə də son üç ayın məğlubu HP oldu. Çünki HP tədarükləri ötən ilin eyni dövrü ilə müqayisədə 27.6 faiz az olub. HP-nin ardınca 22.5 faiz itki ilə Apple, 19.2 faiz zərərlə Acer, 12.1 faiz zərərlə Lenovo, 5.3 faiz zərərlə Dell və 4,6 faiz zərərlə ASUS gəlir. Bu rübdə heç bir marka tədarük həcmini artıra bilmədi.
