Hazırda dünyanın ən incə çərçivəli smartfonu Xiaomi 13 modelidir. Lakin görünür ki, bu status Xiaomi 13 modelində çox uzun müddət qalmayacaq. Çünki bəzi məlumatlara görə, iPhone 15 Pro Max dünyanın ən nazik çərçivəli smartfonu kimi rekord qıracaq.
Apple şirkətinin planlarını və ümumilikdə texnologiya dünyasından dəqiq məlumatlar sızdıran Ice Universe ləqəbli insayderə görə , iPhone 15 Pro Max modeli 1,55 mm çərçivə genişliyinə sahib olacaq. Bu rəqəm Xiaomi 13 modelində 1,81 mm , iPhone 14 Pro modelində 2,17 mm və Galaxy Ultra S23 modelində 1,95 mm olub. Buna görə də iPhone 15 Pro Max üçün iddia edilən dəyər ciddi təkmilləşdirmə kimi qəbul edilə bilər. Şayiələrə görə, iPhone 15 modelinin bütün dörd modelindəki kənarlar iPhone 11 seriyasından daha kəskin formada bir qədər əyri olacağı gözlənilir, lakin standart iPhone 15 və iPhone 15 Plus modelindəki çərçivələrdə əhəmiyyətli fərq gözlənilmir.
iPhone 14 və iPhone 14 Plus modelində olan ekran ölçülərinin isə növbəti nəsil iPhone 15 seriyasında eyni ekran ölçülərinə sahib olacağı gözlənilir. Ekran çərçivələrinin daha da incəlməsi ilə iPhone 15 Pro modelləri Apple Watch Series 8 ilə oxşar görünüşə gətirəcək. Bundan əlavə, şayiələrə görə, Pro modellərində paslanmayan polad əvəzinə titan çərçivələr və basıldıqda fiziki olaraq hərəkət etməyən bərk vəziyyətdə toxunma düymələri alacaq.
