Google şirkətinin Project Zero təhlükəsizlik araşdırma qrupu Exynos çipsetli Samsung telefonlarında 18 fərqli zəiflik aşkar etmişdi. Daha da pisi, bütün xakerlər şəxsin telefon nömrəsi ilə telefona giriş əldə edə bilirdilər. Hətta bu zəifliklər Samsung Galaxy S, M və A seriyalarına, bir sözlə, bütün Samsung telefonlarına təsir edirdi. Təhlükəsizlik tədqiqatçıları çox vaxt zəiflikləri yamaqlanana qədər ictimaiyyətə bildirmirlər. Project Zero qrupundan tədqiqatçı Maddie Stone qeyd edir ki: Samsung təhlükəsizlik boşluğunu nəzərə almayıb və 90 günlük hesabatdan sonra belə hələ də boşluqlar bağlanmayıb. Exynos çipseti yalnız Samsung telefonlarında olmadığından tədqiqatçılar həm də bəzi Vivo və Pixel 6, 7 seriyalı telefonların da Exynos əsaslı problemdən təsirləndiyini bildirirlər.
Zəiflikdən təsirlənən Samsung telefonları Galaxy S22, Galaxy M33, Galaxy M13, Galaxy M12, Galaxy A71, Galaxy A53, Galaxy A33, Galaxy A21, Galaxy A13, Galaxy A12 və Galaxy A04 olaraq bildirilir. Zəiflik çipdən qaynaqlandığı üçün təkcə telefonlar deyil, həm də ağıllı saatlar və əlaqəli qadcetlər də risk altındadır. Google, mart ayında Pixel 7 üçün buraxdığı təhlükəsizlik yeniləməsi ilə problemi həll etdi.
Azərbaycana gələ Samsung telefonların çox hissəsi Exynos çipseti ilə təhciz edildiyindən bizlər üçündə bir növ təhdidir. Əgər yuxarıda qeyd olunan telefonlarınız varsa, o zaman telefonlarınızda Wi-Fi zəng funksiyasını və VoLTE funksiyasını söndürməyiniz tövsiyə olunur. Həmçinin, ən son təhlükəsizlik yeniləməsini tez-tez yoxlamalı və əgər varsa, onu dərhal quraşdırmalısınız.
