Netflix şirkəti uzun müddətdir bəzi ölkələrdə sınaqdan keçirdiyi parol paylaşma prosesini 2023-cü ilin ilk rübündə daha çox ölkədə aktivləşdirməyə başlayacaq. Yeni dövrdə şirkət parolunuzu verdiyiniz, lakin sizinlə eyni evdə yaşamayan şəxslərdən ödəniş alacaq. Bunu yoxlamaq üçün şirkət IP ünvanı vasitəsilə birbaşa yer təyini, cihaz ID və hesab fəaliyyətinizdən istifadə edəcək. Netflix şirkəti açıqlamada aşağıdakları bildirib:
- Evinizlə əlaqəli olmayan cihazdan hesabınıza daxil olduqda və ya hesabınıza dəfələrlə başqa cihazdan daxil olduqda, Netflix-ə baxmağa başlamazdan əvvəl sizdən həmin cihazı təsdiqləməyinizi istəyə bilərik.
- Netflix tətbiqinə fasiləsiz giriş əldə etmək üçün əsas məkanınızda Wi-Fi ə qoşulun, Netflix tətbiqini və ya veb-saytını açın və ayda bir dəfə də olsa birşeylər izləyin. Bu, hətta əsas məkanınızdan uzaqda olsanız belə, Netflix-ə baxa bilmək üçün etibarlı cihaz yaradır.
- Uzun müddət əsas yerinizdən uzaqda olsanız, cihazınızın Netflix-ə daxil olması bloklana bilər. Bu zaman izləməyə davam etmək üçün müvəqqəti giriş kodu tələb etməlisiniz.
Netflix ötən aylarda bu məqsədlə Giriş İcazələri və Cihaz İdarəetmə funksiyasını təqdim etdi. Bu xüsusiyyət haqqında Netflix bildirib: Qarşıdan gələn tətil mövsümü üçün səyahət planları quran üzvlərimizin çoxu ailə və dostlarını ziyarət etmək üçün getdikləri hər yerdə Netflix-i izləməyə davam edəcəklər. Oteldə və ya hətta dostunuzun evində qalarkən hesabınıza daxil olmaq asan olsa da, bir çox insanlar sonradan çıxmağı unudurlar. Bu gündən etibarən biz Giriş İcazələri və Cihaz İdarəetmə funksiyasını istifadəyə veririk. Bu yeni funksiya yalnız bir kliklə hesabınızdakı fəaliyyəti izləmək üçün istifadə edilmiş bütün cihazlara baxmaq və müəyyən cihazlardan çıxmaq imkanı verəcək.
