Çinin Mydrivers portalı sənaye tarixində ən çox satılan telefonlar siyahısını dərc edib. Siyahıda ilk 20-liyi cəmi dörd şirkət bölüşür. Bunlar Nokia, Apple, Samsung və Motorola şirkətləridir. Finlandiyanın əfsanəvi Nokia brendinin prestejli telefonları isə reytinqdə öz izini qoymağı bacarıb. Lakin gözləntilərdən fərqli olaraq ilk onluğa demək olar Apple şirkəti böyük güclə üstünlüyə malikdir.
Maraqlıdır ki, tarixdə ən çox satılan telefonlar siyahısında isə müasir cihazlar arasında iPhone modelləri xaricində heç bir alternativ yoxdur. Apple şirkətinin fərqli nəsil telefonları 20 sıradan yeddisində yer almağı bacarıb. Siyahıda birinci yerdə ümumilikdə 250 milyon satışla Nokia 1100 qərarlaşıb. Smartfonlar kimi maraqlı xüsusiyyətlərə malik olmasa da, Nokia şirkətinin 2005-ci ildə bazara çıxardığı bu model bütün zamanların ən çox satılan telefonları siyahısında birinci yerdədir.
| 1 | Nokia 1100 | 250 milyon |
| 2 | Nokia 1110 | 248 milyon |
| 3 | iPhone 6 | 224 milyon |
| 4 | Nokia 105 | 200 milyon |
| 5 | iPhone 6S | 174 milyon |
| 6 | iPhone 5S | 167 milyon |
| 7 | Nokia 3210 | 164 milyon |
| 8 | iPhone 7 | 161 milyon |
| 9 | iPhone 11 | 160 milyon |
| 10 | Nokia 6600 | 157 milyon |
| 11 | Nokia 1200 | 153 milyon |
| 12 | Nokia 5230 | 152 milyon |
| 13 | Samsung E1100 | 150 milyon |
| 14 | iPhone 5 | 147 milyon |
| 15 | Nokia 2600 | 135 milyon |
| 16 | Moto V3 | 131 milyon |
| 17 | Nokia 1600 | 130 milyon |
| 18 | Nokia 3310 | 126 milyon |
| 19 | iPhone 8 | 125 milyon |
| 20 | Nokia 1208 | 100 milyon |
Gördüyünüz kimi 20 telefon modelinin olduğu siyahıda 11 yerdə Nokia modelləri yer alıb. Sonuncu yəni 20-ci yerdə isə Nokia 1208 modelini görürük. Nokia bu modeli 2007-ci ildə təqdim edib. Onun bəzi xüsusiyyətlərinə SMS, yüklənə bilən çoxrəngli zəng melodiyaları və vibrasiya daxildir. Şirkətin 100 milyon ədəd satdığı modelin qara və qırmızı olmaqla iki rəng seçimi də mövcud idi.
