Hazırda insan əməyi ilə süni intellekt qarşılaşdırıldıqda yenə də əvəzləmə etmək üçün sərfəli üsul olmadığı ortaya çıxıb. Massaçusets Texnologiya İnstitutunun (MIT) mütəxəssisləri süni intellektin tezliklə bir çox sektorlarda insanları əvəzləyəcəyi ilə bağlı qorxuları aydınlaşdırmağa yönəlmiş araşdırma ilə bu qənaətinə gəliblər.
Canlı işçi qüvvəsinin süni intellekt modelləri ilə əvəz edilməsinin mümkünlüyünə dair ilk dərin tədqiqatlardan biri MIT tərəfindən aparılıb. Süni intellektin diqqəti insanları əvəz etmək üçün kompüter texnologiyalarının istifadəsinə yönəlir. Məlum olub ki, əksər peşələrin yalnız 23%-i süni intellektlə effektiv şəkildə əvəz edilə bilər. Əmək haqqı vermək əvəzinə, müvafiq texnologiyaların istehsal prosesinə tətbiqi xərclərini müqayisə edərkən yaranan fərq hələ də bir çox şirkət üçün olduqca yüksək görünür. Yəni, insanlardan istifadə etmək hələ də daha sərfəli olur.
Son bir ildə süni intellekt qəbulu bütün sektorlarda insan əməyi faktorunu sıxışdırır. Buna OpenAI-nin ChatGPT çatbotu və bu texnologiyanın potensialını açıq şəkildə nümayiş etdirən digər oxşar vasitələrin yaranması təkan verir. Dünyadakı texnologiya şirkətləri öz süni intellektlə işləyən alətlərini işə salırlar və bu inkişafı sürətləndirmək planlarını açıqlayırlar. Bütün bunlar texnologiyanın geniş şəkildə mənimsənilməsinin böyük iş yerlərinin itirilməsinə səbəb olacağı ilə bağlı narahatlıqları artırır. Bu da insan əməyi ilə süni intellekt alətlərini daim qarşı-qarşıya qoyur.
Tədqiqatçıların hesabatında deyilir ki, geniş dil modellərinin ortaya çıxmasından belə, hazırda insanların 1/4-dən az hissəsi kompüter sistemləri ilə tam əvəz edilə bilər. Çünki iqtisadi cəhətdən sərfəli deyil. Xatırladaq ki, kompütür görməsi funskiyasına sahib sistemlər şəkillərdən və digər vizual məlumatlardan mənalı məlumat çıxarmağa imkan verir. Ən böyük tələb görən bu tip süni intellekt sistemləri isə yüksək məbləğlərə başa gəlir. Tədqiqatçıların fikrincə, hazırda 800 peşə üzrə araşdırılan 1000 tapşırığın yalnız 3%-i kompüter görmə süni intellekt sistemlərinin tətbiqi ilə avtomatlaşdırıla bilər. Lakin 2030-cu ilə qədər bu rəqəmin 40%-ə yüksələcəyi gözlənilir. Bununla belə, zaman keçdikcə məlumatlardan istifadə xərcləri azalacaq və süni intellekt sistemlərinin dəqiqliyi artacaq. Yəni, ən azından yaxın illərdə gözlənilən təhlükə təsəvvür etdiyimizdən xeyli azdır.
