Tesla şirkəti avtopilotu süni intellekt iradəsinə verməklə bağlı tarixi bir addıma imza atır. Belə ki, Tesla şirkəti ötən gün FSD Beta V12 yeniləməsini yayımlamağa başlayıb. Şirkətin baş icraçı direktoru Elon Musk-ın dediyinə görə V12 versiyası artıq bundan “neyron şəbəkələri” ilə işləyən idarəetmə mexanizminə sahibdir. FSD avtopilot sisteminin əvvəlki versiyalardan ən böyük fərqi odur ki, avtomobil artıq proqramçılar tərəfindən kodlaşdırılmaq əvəzinə neyron şəbəkələri tərəfindən idarə olunacaq.
Yəni, FSD Beta V12 üçün küçədə yarana biləcək hər bir hala düzgün cavab verə bilən milyonlarla videokliplər üzərində öyrədilmiş bir neyron şəbəkəsi təkmilləşdirilib. Bu da tam olaraq 300.000 sətrdən çox açıq C++ kodunu əvəz edir. Bu o deməkdir ki, avtomobilin davranışı və kompüterin görmə sistemi artıq əvvəlcədən yazılmış kod deyil, süni intellekt sistemi ilə işləyir. Tesla özünün Full Self-Driving sistemini ilk dəfə təqdim edəndə avtomobil istehsalçısı bu yanaşmanın olacağını bildirmişdi, lakin şirkətin neyron şəbəkəsinə doğru irəliləməsi illər aldı. Bir çox Tesla tərəfdarı inanır ki, V12 Tesla-nın özünü idarə etmə vədlərini tam yerinə yetirəcəyi son addım olacaq. Əvvəllər bu versiya yalnız Tesla-nın daxili sınaq parkında mövcud idisə, artıq bir çox müştəriyə sınaq üçün açılıb.
Bu faktı gücləndirən digər bir nüans isə, FSD proqramının Avropa və Çinə, hətta Hindistan kimi nəqliyyatın bərbad olduğu ölkələrə də açılacağıdır. İllərdir ABŞ-da nəhəng təcrübə toplamış şirkət artıq tam sürücüsüz avtopilotda son mərhələlərə çatırmış kimi görünür.
