iPhone-lar üçün yeni təhlükəsizlik funksiyası müəyyən işlərin icrası üçün Face ID və ya Touch ID tələb edəcək. Beləliklə, cihazınızın parolunu bilən biri belə olsa iPhone-nunuz üzərində heç bir kritik prosedur həyata keçirə bilməyəcək. Bildiyimiz kimi, iOS 17.3 çıxdı və oğruların iPhone-u ələ keçirməsinin və iCloud-da saxlanılan hər hansı bir şeyə, eləcə də bankınız və ya e-poçtunuz kimi digər vacib hesablara tez bir zamanda giriş əldə etmələrinin qarşısını alan yeni oğurluq cihaz qorunması funksiyası ilə gəlir.
Təhlükəsizlik üçün kilid ekranı qoymaq “oğurluq cihaz qorunması” aktiv olduqda artıq sadə bir kilid funksiyası kimi ikinci dərəcəli olacaq. Çünki, cihaz sizin həmişə olduğunuz yerlərdən uzağa getdiyinizi təsbit etdikdə, sizdən barmaq izini skan etməyi və ya müəyyən hərəkətləri yerinə yetirərkən Face ID tələb edəcək. Əgər biometrik təsdiqləmə edilməsə, saxlanmış parollara baxmaq, hesablardan çıxmaq, kartla ödənişlər etmək və.s kimi heç bir prosedur cihazla həyata keçirilməyəcək.
Bu xüsusiyyət, həmçinin Apple ID parolunuzu və ya iPhone parolunuzu dəyişdirmək kimi daha həssas hərəkətləri yerinə yetirərkən gözləmə müddəti belə təyin edəcək. iOS 17.3 yeniləmə qeydində Apple deyir ki, əslində siz olduğunuzdan əmin olmaq üçün əməliyyatı tamamlamadan əvvəl FaceID və ya barmaq izi ilə təsdiqləməni məcburi edəcək. Apple-a görə, iPhone yalnız “ev və ya iş kimi tanış yerlərdən” uzaq olduğunuz zaman bu əlavə identifikasiya metodunu işə salacaq.
Oğurluq cihaz qorunması aktiv etmək üçün parametrlər bölməsinə keçin və FaceID və parollar hissəsini açın. Oradan cihazınızın parolunu daxil edin və funksiyanı yandırın. Oğurluq cihaz qorunması haqqında daha çox məlumatı Apple-ın saytında tapa bilərsiniz.
