Beton müasir infrastrukturun əsaslarından biri olsa da, yollardan tutmuş göydələnlərə qədər demək olar ki, hər şeydə istifadə olunur, onun istehsalı əhəmiyyətli ekoloji xərclərə səbəb olur. Bu xərc, təbii ki, karbon emissiyalarıdır. Hesabatlara görə, beton qlobal karbon emissiyalarının 5%-10%-nə cavabdehdir. Bu səbəbdən betonun daha təmiz bir şəkildə istehsalı üçün sıx səylər göstərilir. Şimal-Qərb Universitetinin alimləri yalnız betonu karbon neytrallaşdırmaqdan kənara çıxdıqlarını və “karbon mənfi beton” və ya karbon emissiyasız beton hazırladıqlarını açıqlayıblar.
Alimlər dəniz suyu, elektrik enerjisi və karbon qazının (CO2) birləşməsindən istifadə etməklə emissiyaları azaltmaqdan kənara çıxan yeni tikinti materialı hazırlayıblar. Bu yeni tikinti materialının təkcə emissiyaları azaltmaq deyil, həm də havada mövcud olan CO2-ni aktiv şəkildə tutmaq və onu daima saxlamaq üçün nəzərdə tutulub. Bundan əlavə, bu material beton kimi davranır. Alimlər su molekullarını hidrogen qazı və hidroksid ionlarına parçalamaq üçün dəniz suyuna yerləşdirilən elektrodlar vasitəsilə aşağı elektrik cərəyanı tətbiq edirlər. Daha sonra onlar CO2 qazını dəniz suyuna üfürərək suyun kimyəvi tərkibini dəyişir və bikarbonat ionlarının konsentrasiyasını artırırlar. Bütün bu ionlar təbii olaraq dəniz suyundakı minerallarla reaksiyaya girərək kalsium karbonat və maqnezium hidroksid kimi bərk materialları əmələ gətirir.
Alimlər oxşar proseslərin sement, boya və gipsə tətbiq oluna biləcəyini iddia edirlər. Beton, sement, boya və gips adətən qumdan alınan kalsium və maqnezium əsaslı mineralları ehtiva edir. Bu qum dağlardan, çay yatağından, sahillərdən və okean diblərindən mədənçilik yolu ilə çıxarılır. Şimal-Qərb komandasının metodu ilə heç bir qazıntıya ehtiyac yoxdur. Bu arada, yaranan kalsium karbonat karbon dioksidi udmaq funksiyasını yerinə yetirir, maqnezium hidroksid isə CO2 ilə daha çox qarşılıqlı əlaqədə olur və zərərli karbon emissiyalarını tutur. Bu proses mərcan və qabıqlı balıqların təbiətdə öz qabıqlarını necə yaratdıqlarına bənzəyir, lakin metabolik enerji əvəzinə elektrik enerjisi istifadə olunur. Sonda qeyd etmək istərdik ki, tədqiqat hazır beton istehsalçısı Cemex ilə əməkdaşlıq çərçivəsində aparılıb.
