Yeni ortaya çıxan iddialara görə, HONOR, istehlakçıların “daha uzun batareya ömrü” ehtiyaclarını ödəmək üçün daha yüksək sıxlıqlı batareya cihazları üzərində işləyir. Ümumiyyətlə, Çinli smartfon istehsalçıları son dövrlərdə silikon karbon batareya texnologiyasından geniş istifadə etməyə başlayıblar. Batareyaların enerji sıxlığını əhəmiyyətli dərəcədə artıran bu texnologiya sayəsində 6000 mAh və daha yuxarı həcmli batareyaları görməyə başlamışıq. İndi isə Çin istehsalçısı olan HONOR da öz limitlərini aşaraq 8000 mAs batareya həcminə malik telefon hazırlayacağı bildirilir.
Weibo platformasından olan bir analitik HONOR-un 8000 mAs batareyaya malik telefon hazırladığını bildirib. Cihaz həmçinin 300% səs səviyyəsinə malik təkmil dinamiklərə sahib olacaq. Bundan əlavə, o, səmərəli performans təklif edən Snapdragon 7 Gen seriyalı çipsetlə təchiz oluna bilər. Qeyd olunan spesifikasiyalara əsasən, cihaz orta səviyyə kateqoriyasına aid ola bilər və digər modellərlə müqayisədə bəzi təkmilləşdirilmiş parametrləri qəbul edə bilər.
Analitik əlavə olaraq bildirib ki, HONOR bu cihazı Çində smartfon satışlarını artırmaq üçün təqdim edəcək. Şirkət innovativ və süni intellektə malik cihazları ilə bazarda yaxşı nəticələr əldə etməklə yanaşı, orta səviyyəli cihaz seqmentindəki mövqeyini yaxşılaşdırmağı hədəfləyir. Həmçinin, Honor istehlakçılar arasında ultra uzun batareya ömrü tələbini də hədəfləyir. Qeyd edək ki, daha yüksək sıxlıqlı batareyalar yalnız batareyanın ömrünü uzatmır, həm də daha sürətli doldurmağa imkan verir, cihazı daha səmərəli və uzun saatlar ərzində istifadə üçün ideal edir. Bununla belə, HONOR-un 8000 mAs batareya həcmli modelini nə vaxt təqdim edəcəyi məlum deyil.
