Microsoft şirkəti OpenAI ilə birlikdə ChatGPT süni intellekt alətini təqdim etdikdən bəri, bir çox texnologiya şirkəti də hərəkətə keçmişdi. Belə ki, Microsoft şirkətinin ən böyük rəqibi olan Google da süni intellekt ilə bağlı çalışmalara başlamışdı. Nəhayət məlum olub ki, Google GPT-4 rəqibi Gemini adlı süni intellekt sistemi təqdim edəcək. Bildiyimiz kimi OpenAI şirkəti ötən aylarda yeni GPT-4 dil modeli ilə bütün diqqətləri öz üzərinə cəlb etmişdi. Həmçinin şirkət yeni iOS və Android proqramları isə milyonlarla istifadəçi qazanmışdı. Görünən odur ki, Google bundan narahatdır.
Google şirkətinin yeni Gemini çatbotlardan tutmuş, istifadəçi sorğularına əsasən mətn və şəkillər yaratmaq kimi bir çox xüsusiyyətə sahib olacaq. Hətta bu süni intellekt modeli e-poçt hazırlamağa, mahnı sözləri tərtib etməyə və xəbər məqalələri yazmağa kömək edəcək. Bundan əlavə Gemini proqramçılara kod yazmağa, rəssamlara və dizaynerlərə isə orjinal şəkillərin yaradılmasına kömək edəcək. Ümumiyyətlə Google yeni süni intellekt modeli ilə bütün istifadəçilərə kömək etməyə çalışacaq. Bu isə o deməkdir ki, OpenAI şirkətinin GPT-4 dil modelinə ciddi rəqib gəlir.
Hazırda tərtibatçılara Gemini dil modelinin kifayət qədər böyük versiyasına giriş imkanı verilir. Lakin bu GPT-4 modelinin imkanları ilə müqayisə oluna bilən səviyyədə deyil. Keçən ay Google, Hindistan və Yaponiyadakı istifadəçilər üçün müxtəlif axtarış sorğularına mətn və səsli cavablar təklif edən Search Generative Experience axtarış sistemində yeni süni intellekt təqdim etmişdi. Hətta şirkətin süni intellekt alətləri hazırda hər istifadəçi üçün 30$ müqabilində təklif olunur.
