Sizlərə YouTube tətbiqini sonsuz bulud saxlama vasitəsi kimi istifadə etmək olar desək, yəqin bir çoxunuz buna inanmazsınız. Hamımız bilirik ki, YouTube ən böyük video hostinq platformalarından biridir və hətta deyə bilərik ki, birincisidir. 2004-cü ilin əvvəlində Gmail bir gigabayt pulsuz yaddaş təklif edirdi. Buna demək olar ki, hərkəs heyrətlənmişdi. Çünki, bu 2004-cü il üçün doğrudanda bu böyük bir yaddaş ölşüsü idi. Hal-hazırda Google və onun rəqiblərində pulsuz olaraq daha çox yaddaş təklif olunur. Lakin günümüzdə ödənişli xidmətlərdən yararlanmasanız, videoları bir yerə yükləmək yaddaş yetmədiyi üçün çətinləşir.

DvorakDwarf ləqəbli tərtibatçı Google xidmətini tam inkişaf etmiş Yandex Disk və ya Google Drive kimi işlətməyin yolunu tapıb. Bunun üçün isə çox qəribə bir üsuldan istifadə edib. Proqram tərtibatçısı istifadəçilərə platformanı pulsuz yaddaş yeri kimi istifadə etməyə imkan verən xüsusi proqram hazırlayıb. Bu proqramın əsas üstünlüyü daxilindəki faylların nə olduğunun heç bir əhəmiyyəti olmadan ZIP fayllarını video formatına çevirərək YouTube platformasına yükləmək üçün uyğun vəziyyətə gətirməsidir. Youtube platformasına yüklənən fayllar isə proqram sayəsində istənilən vaxt təkrar YouTube platformasından geri yüklənə və video formatından ZIP formatına çevrilə bilər.
Vurğuladığmız kimi bu program yüklənə biləcək videoların sayına məhdudiyyət qoymayan YouTube platformasında istifadə edir. Bununla belə, tərtibatçı istifadəçilərə xəbərdarlıq edir ki, bu üsuldan sui-istifadə etməsinlər, çünki saytın istifadə şərtlərini pozduqlarına görə onlara qarşı tədbirlər həyata keçirilə bilər. Youtubea yüklənmiş video formatında ZIP fayllarına baxmaq istəyərkən isə xətalı effektə malik videolargöstərilir. Qeyd edək ki, hazırda proqramı yalnız Linux əməliyyat sistemində işləyə bilir. Proqramın özünü isə bu linkə klik edərək yükləyə bilərsiniz. Həmçinin layihənin tərtibatçısı gələcəkdə Windows dəstəyini təklif edəcəyini də acıqlayıb.