Əgər siz telefon nömrənizi dəyişmisinizsə və onunla əlaqəli WhatsApp hesabını silməmisinizsə, başqa şəxs şəxsi WhatsApp mesajlarınızı qəbul edə bilə, həmçinin bütün kontaktlarınıza mesaj göndərə bilər. WhatsApp tətbiqində yaşanan problem, operatorların köhnə müştərilərdən qalan istifadə edilməyən nömrələr hesabına formalaşır. Operatorlar təkrar emal edərək yeni müştərilərə nömrələri təqdim etdikdə, tətbiq və ya onlayn platformalar istifadəçinin dəyişdiyini anlaya bilmirlər. Əgər yeni telefon nömrəsi almısınızsa, köhnə nömrəniz başqasına satılırsa, bütün yazışmalarınız köhnə nömrə ilə qrup söhbətləriniz də daxil olmaqla başqa şəxsin WhatsApp tətbiqinə düşə bilər. Bu addımdan sonra telefon nömrəsinin yeni sahibi kontakt siyahınızdakı insanlara mesaj göndərə, həmçinin qrup söhbətlərinizdə iştirak edə bilər.
Gələk mövzunun WhatsApp tərəfi barədə izah etməyə. Şirkət öz açıqlamalarında bunun baş verə biləcəyini etiraf edir, lakin bunun çox nadir olduğunu bildirir. Şirkətin fikrincə, başqalarının yazışmalarına giriş əldə etmək WhatsApp proqramındakı təhlükəsizlik qüsuru kimi qiymətləndirilmir, daha çox köhnəlmiş nömrələr satan telekommunikasiya operatorlarının problemidir. Şəxsi məlumatlarını qorumaq istəyən və yazışmalarının başqasının əlinə keçməsini istəməyən istifadəçilərə telefon nömrələrini dəyişdirərkən hesablarını tamamilə silmələri tövsiyə olunur.
Normaldır ki, telefon nömrələrini təkrar istifadə etməsəydik, onların sayı tezliklə tükənəcəkdi. Şimali Amerika Nömrələmə Planı Administratorunun (NANPA) 2017-ci ildə FCC təhlilinin məlumatlarına əsasən, ABŞ-da hər il təxminən 35 milyon telefon nömrəsi təkrar emal edilir. Smartfon əsrində isə telefon nömrəsinin təkrar emalı əsas məxfilik və təhlükəsizlik problemləri yaradır. Bir çoxumuz həyatımızın böyük hissələrini telefonlarımızda və onlarda olan proqramlarda saxlayırıq. WhatsApp kimi bu proqramlardan bəziləri hesablarla qeydiyyatdan keçmək üçün nömrələr kimi şəxsi məlumatlar tələb edir. Eyni zamanda telefon nömrəmizi təhlükəsizlik açarı kimi bir çox yerdə istifadə edirik. Lakin telefon nömrələri bu funksiyaları yerinə yetirmək üçün gələcəkdə gözlənilməz problemlər də yarada bilər. Ona görə işlətdiyiniz nömrlərin keçmişindən belə əmin olmaqda fayda vardır.
