iPad ilə qrafik işləri görməyi sevən biri üçün Apple Pencil əvəzsiz rola malikdir. Çünki, Apple Pencil ilə xüsusilə görüntüləri redaktdə etmək, qrafik işlərin peşəkar səviyyədə öhdəsindən gəlmək və xırda detallar əlavə etmək xeyli rahatdır. Eyni zamanda həssaslıq dərəcəsi də çox yaxşıdır ki, hər hansı bir görüntü üzərində işləyərkən dizayn etmək asanlaşır. Apple şirkəti hal-hazırda iki fərqli Apple Pencil satır. Hər iki Apple Pencil modeli arasındakı fərq isə, yalnız ikinci nəslin daha uzun batareya müddəti verməsidir. Təbii ki, bir stilus üzərində edə biləcəyiniz təkmilləşdirmələr olduqca məhduddur. Lakin Apple şirkəti yeni patent materiallarına əsasən, real dünyada toxunduğunuz əşyaların rəngini Apple Pencil ilə köçürə biləcəyiniz bir xüsusiyyət hazırlayır.
Yeni nəsil Apple Pencil optik sensorlar ilə təchiz edilə bilər
Patently Apple tərəfindən paylaşılan məlumatlara görə patentlərdə Apple şirkəti Apple Pencil üçün yeni patentlərini sertifikatlaşdırıb. Patentlərdə isə Apple Pencil üzərində işlədiləcək optik sensorlardan bəhs edilir. Optik sensorların məqsədi patent materiallarında tam dəqiq bildirilməsə də ilkin ehtimallara görə, hər hansı bir səthin rəngini köçürmək və hətta materialın necə olduğunu təyin etmək üçün işlədiləcək. Stilusu hər hansı bir əşyanın üzərinə toxundurmaqla, onun haqqında vizual informasiyanı birbaşa qoşulu olan cihaza göndərə biləcəksiniz.
Optik sensorların işləməsi üçün qələmin ucluğunda 2 fərqli xırda ölçülü deşiklər açılacağı bildirilir. Əgər optik sensorlar əlavə olunsa, batareya da böyüyəyəcəyi üçün qələmin qalınlığı biraz arta bilər. Hal-hazırda yeni nəsil Apple Pencil barəsində təfərrüatlar tam bəlli deyil. Müxtəlif mənbələrin verdiyi məlumata görə yenilənmiş Apple Pencil 2024-cü ildə OLED ekranlı iPad Pro modeli ilə birlikdə təqdim ediləcək.
