OpenAI tərəfindən hazırlanmış və son vaxtlar çox səs-küy yaradan ChatGPT süni intellekti üçün bu dəfə Microsoft Bing gündəmdədir. OpenAI tərəfindən hazırlanan ChatGPT, keçdiyimiz aylarda yeni süni intellekt sistemi kimi çox danışıldı. Yeni məlumatlara görə ChatGPT, Microsoft tərəfindən Bing daxilinə inteqrasiya ediləcək.
Bilməyənlər üçün ChatGPT hələ də prototip mərhələsindədir və təbii dildə anlayıb cavab verə bilən söhbət botudur. Daha əvvəl sözügedən botun Google axtarış sisteminin gələcəyini təhdid etdiyi xəbərini sizlərlə bölüşmüşdük.
Belə ki, bu söhbət botu verdiyiniz suallara və ya adətən yazdıqlarınıza çox maraqlı və təfərrüatlı cavablar verə bilir. Bunun üçün GPT-3.5 dərin öyrənmə əsaslı dil modelindən istifadə edir ki, bu da danışıq dilinə daha yaxın səviyyədə hazırlanmış kimi görünən mətnlərin istehsalına imkan verir. ChatGPT-dən əvvəl mətnləri və ya cümlələri, fotoşəkillərə və ya dizaynlara çevirən DALL-E süni intellekti ilə maraq oyadan OpenAI indi isə Google kimi internet nəhənglərini çətinə salıb. Son bir neçə həftə ərzində Google şirkətinin baş direktoru Sundar Piçai şirkətdəki müxtəlif işçi qruplarına ChatGPT-nin şirkətin axtarış sistemləri biznesinə yaratdığı potensial təhlükədən qorunmaq üçün göstəriş vermişdi.
Vebsaytlara daxil olmağa ehtiyac qalmayacaq
ChatGPT bu gün yenidən gündəmdədir, çünki Microsoft tərəfindən birbaşa Bing daxilinə inteqrasiya ediləcək. Google qarşısında heç vaxt fərqlənməyən Bing brauzerini istifadəyə yararlı hala gətirməyi hədəfləyən Microsoft, bu planı tam şəkildə tətbiq etdikdən sonra böyük səs-küy yarada və həqiqətən də öz axtarış motorunu fərqləndirə bilər. OpenAI şirkətinin çox uzun müddətdir investoru olan və uzun illərdir GPT-nin bəzi xüsusiyyətlərini Bing-ə əlavə etməyi gözləyən Microsoft, iddiaya görə Bing üçün yeni dövrə mart ayından əvvəl başlaya bilər. Məhdud məlumata görə, yeni dövrdə Bing axtarış sistemi tamamilə dəyişməyəcək, yalnız internet axtarışları GPT alqoritmlərinin ağıllı təklifləri və hazır cavabları ilə birləşdiriləcək. Beləliklə, bir çox suallar birbaşa Bing-də cavablandırılacaq. Bing daxilinə inteqrasiya ediləcək ChatGPT ilə vebsaytlara daxil olmağa ehtiyac qalmayacaq.
