JBL firması Tour Pro 2 TWS simsiz qulaqlıqlarını təqdim edib. Qulaqlıqların şarj qutusu bazarda olan digər modellərdən sensor ekranın olması ilə fərqlənir. Bu sensor ekranın köməkliyi ilə istifadəçilər qulaqlıqların parametrlərində dəyişiklik edə, mahnıları dəyişə, hətta zənglərə və sosial şəbəkə mesajlarına cavab verə bilərlər.
JBL Tour Pro 2 qulaqlıqların şarj qutusunun üzərində quraşdırılmış sensor panelin ölçüsü 1,45 düymdür. Ümumi olaraq sensor ekran ağıllı saatların əsas funksiyalarını təkrarlayır. Smartfonu uzaqdan idarə etmə imkanı, ANC və Ambient Sound ayarlanması və.s. Yeni JBL Tour Pro 2 qulaqlıqları Bluetooth 5.3 LE modulu və ümumilikdə 6 ədəd mikrofon ilə də təchiz olunub.
10 mm ölçülü dinamiklərə (diafraqmaya) sahib qulaqlıqların kənar səthində idarəni asanlaşdıran sensor səth quraşdırılıb. Aktiv səs-küy azaltma sistemi mövcüddur. Mənbə məlumatına görə yeni JBL qulaqlıqların işləmə müddəti 10 saat, şarj qutusu ilə isə 40 saat təşkil edir. Yeni qulaqlıqlar 2023-ci ilin Yanvar ayında 249 dollara satışa çıxarılacaq.
Tour Pro 2 ilə bərabər Tour One M2 qulaqlıqları da tanıdılıb
Təqdim edilən digər yeni qulaqlıqlar JBL Tour One M2 olub. Bu model isə ənənəvi naqilsiz Bluetooth qulaqlıqlar formasındadır və Bluetooth 5.3 ilə işləyir. Əlavə olaraq ANC xüsusiyyətini də dəstəkləyir. Texniki göstəricilərinə əsasən qulaqlıqlar aktiv səs-küy azaldılmasının istifadəsi ilə 30 saat və normal istifadə zamanı 50 saata qədər işləyə bilər. Sürətli şarj funksiyası hesabına 10 dəqiqə şarjdan sonra 5 saat istifadə mümkündür. JBL Tour One M2 qulaqlıqları gələn ilin yanvar ayında 299 dolalra satışa çıxarılcaq. Hər iki qulaqlıq modeli də iki rəng versiyasında satışa çıxacaq – qara və boz.
